RAWMA 14:19 - Mara Bible RV (BSI)

¹⁹ Chavâta thlalôhna a tlôkhei awpa nata tha a patlô raihriena a châ awpa hmozy a chadai lymâ suh u.

RAWMA 14:19 ပူးပေါင်းရင်းမြစ်များ

HLAZY 133:1

Moh tua u, unawhzy a dyh ngaitapa ta ypa cha, Pha ta â ngia kaw dia!

HLAZY 34:14

Moleina a heihsaipa ta hmopha tao la, Adyhna tlua la, a chadai mah y.

MATHAI 5:9

“Aryhna taotuhpazy ama nohlao na, Khazohpa sawzy bipa ama châ awpa vâta.

MÂKA 9:50

Alôh cha a pha, châhrasala alôh cha a padâh ha khiahta cha, kheihta ma nama pa-iahsa heih thei aw? Alôh hawhta iah u la, a dyryh kawpa ta y muh vy,” tah ta.

RAWMA 12:18

Tao theipa a châ khiahta la, nâmo lâ tawh chhâ ta chyhsa zydua nata a ryhpa ta y teh u.

RAWMA 15:2

Eima vaihzy thapatlô sih la, ama pha nawpa taopa ta palysa a chhuah chyu suh u.

1 KAWRINI 10:23

“Ato zydua ei châta tao pasaipa a châ,” châhrasala ato tao khaipa pha hlei vei. “Ato tao pasaipa a châ,” châhrasala ato taopa ta chyhsa taopathi hlei vei.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

1 KAWRINI 14:26

Cha khiahta la unawh saih u, kheihta a châ aw? Namâ pakhy nahta, chyhsa to ta hla, pachuna bie, aluahna, reihtheileipa nata a chhopasiana zy nama hnei chyu. Hmo to zydua he taopathina châta châ khai mawh sy.

1 KAWRINI 14:3

Biechhotuhpa deikua cha, chyhsazy hnohta taopathina bie, pasyuna bie nata thlapalôhna biezy a reih tyh.

1 KAWRINI 14:4

Reihtheileipa ta bie a reihpa cha, ano deita taopathi ta, biechhotuhpa deikua cha Awnanopa a taopathi.

1 KAWRINI 14:5

Nama zydua ta reihtheileipa ta bie reih khai ha u la ei tah kaw, châhrasala biechho thei khai ha u la ei tah pachai. Reihtheileipa cha Awnanopa thapatlô nawpa ta chhopasiatuhpa ama y leipa khiahta cha, biechhotuhpa cha reihtheileipa ta bie a reihpa hlâta a rônah via.

1 KAWRINI 7:15

Ngiapâleipa ta â kaolâhpa â chhaih khoh khiahta deikua cha, a chhaih thlâh ha mawh sy. Cha hawhpa liata la, ngiapâtuhpa vahpa nata lapinô cha chahrypa châ khao veih ei. Khazohpa ta adyryhpa ta y awpa ta miah a aw.

1 KAWRINI 8:1

Nothlahpazy lâta hlâpa niepa kyh liata, eima zydua ta pahnona eima hnei chyu tahpa eima pahno. Pahnona ta chyhsa liata apalaina tao ta, kyhpachâna deikua ta chyhsa a tao pathi tyh.

2 KAWRINI 12:19

Eima thaichâna bie eima cha rei thlupa hawhta ma nama pachâ? Kho ngaitapa saih u, nâmo taopathi nawpa ta Khazohpa mohmô ta Krista liata bie eima reipa a châ.

2 KAWRINI 13:11

Achhâna ta, unawh saih u, a lypa ta y teh u. Phapaki a chhuah u la, thlah a palôh raihrie u la, palôh miakha phaohpa ta, adyryh kawpa ta y teh u. Kyhpachâna nata thlalôhna Khazohpa cha nama hnohta y mawh sy.

EPHESI 4:12

Chazy cha chakaona rai hria awpa ta mopathaihpazy pachhuahpanoh ta, Krista pôhpa pipatlohsa nawpa ta piepa a châ.

EPHESI 4:29

Bie pha leipa rai nama pakah tawhta pua khah sy. Chyhsa taopathi nawpa bie deita, a daihti nata su a hmiepa ta, nama pakah tawhta pua mawh sy. Chatanachata a theituhpazy châta ngiachhiena ama tona a châ aw.

1 TIMAWTHY 1:4

Phôhpa nata thyutôna kyh a laichadai tiah leipazy reina liata ngosiah thlâh lei awpa ta biepie awpa ta ei châ haw hra. Cha hawhpa biezy reipa cha ngiapâna kyh liata Khazohpa raihria thapatlôtuhpa châ leipa ta, aeichhiana a taotuhpa tlao a châ.

2 TIMAWTHY 2:22

Thyutlia aohraohnazy a râsai la, palôh pathaihpa ta Abeipa padotuhpazy hry liata a hlaopa ta, siana, ngiapâna, kyhpachâna nata thlalôhna zy a chadai lymâ mah y.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

1 PITY 3:11

Moleina a heihsai sala, Hmo pha tao mawh sy; Thlalôhna tlua sala, A chadai lymâ mawh sy.