RAWMA 14:17 - Mara Bible RV (BSI)

¹⁷ Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RAWMA 14:17 ပူးပေါင်းရင်းမြစ်များ

ISAI 32:17

Siana ta thlalôhna sa aw ta, Siana theilâpa cha, Chhâzaw sidiana nata hnangâhna a châ aw.

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ISAI 55:12

“Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

LUKA 14:15

Tlâhkhai liata pati a dôhlâhpa pakha ta cha biezy cha a thei nahta, a hnohta, “Khazohpa khinarâh liata pati a nie awpa cha a nohlao kaw dia!” tah ta.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

HMOTAOPAZY 13:52

Chatanachata pachupazy cha alyna nata Thlahpa Pathaihpa ta bie ei ta.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 8:6

Sapa hmo pachâna cha thina châ ta, Thlahpa hmo pachâna deikua cha, hrona nata thlalôhna a châ.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

1 KAWRINI 4:20

Khazohpa khinarâh cha biereipa liata y vei, hmotaotheina liata tlao a y.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

1 KAWRINI 8:8

Niepa ta Khazohpa miah pahniasa vei. Eima nie leipa vâta chhie via leipa pi ta, eima niepa vâta pha via hlei ma pi.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

PHILIPI 2:1

Krista liata thapatlôna, a kyhpachâna vâta thlalôhna, Thlahpa akaona, thapasana nata ngiachhiena zy nâmo liata a chyhta chhâ a y khiahta cha,

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

PHILIPI 4:4

Abeipa liata khâ a ly teh u; ei tah heih aw, a ly teh u.

PHILIPI 4:7

Chatanachata Khazohpa thlalôhna, novâhna zydua hlâta sôh viapa ta nama palôh nata nama pachânazy cha Krista Zisu liata a cha vaipa lymâ aw ei.

KAOLAOSÂ 1:11

Tiamana nata pasataona liata a ly kawpa ta nama tao thei nawpa ta, a thatlôna rônahpa liata hmotaotheina zydua hmâpa ta tha a cha patlô aw ei.

1 THYSALAWNIKA 1:6

Rietheina hluhpi taona chôta, Thlahpa Pathaihpa liata a lypa ta bie a pyh ei chi ta, keimo nata Abeipa hâ a latuhpazy nama vaw châ haw.

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.