RAWMA 14:15 - Mara Bible RV (BSI)

¹⁵ Na niepa ta na unawhpa palôh a patypamâ khiahta cha, kyhpachâna lâpi a chhih khao va chi. Ano thi vyuhpa ta Krista ta a thikâ hapa chyhsa cha, parao khah y.

RAWMA 14:15 ပူးပေါင်းရင်းမြစ်များ

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

RAWMA 13:10

Kyhpachâna ta vaih pasasa beih vei. Chavâta kyhpachâna cha ryhpa zyh pakina a châ.

RAWMA 14:20

Niepa vâta Khazohpa raihria parao khah y. Hmo to a pathaih khai. Châhrasala niepa ta chyhsa a chapiasa khiahta cha, a nietuhpa cha a do vei.

RAWMA 15:2

Eima vaihzy thapatlô sih la, ama pha nawpa taopa ta palysa a chhuah chyu suh u.

1 KAWRINI 13:1

Chyhsapa nata vâlyuhchâpazy reih ta bie reih hraw sah la, kyhpachâna ei hnei tlôh leipa khiahta la, dawh paro thlâhthlipa tlyma, paotlâ paro thlâhthlipa tlyma ei châ.

1 KAWRINI 8:1

Nothlahpazy lâta hlâpa niepa kyh liata, eima zydua ta pahnona eima hnei chyu tahpa eima pahno. Pahnona ta chyhsa liata apalaina tao ta, kyhpachâna deikua ta chyhsa a tao pathi tyh.

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.