RAWMA 14:13 - Mara Bible RV (BSI)

¹³ Chavâta a sei raihrie khao leipa ta, unawhpa lâpi liata achapiana lô tlyma, pakhâna tlyma, sokhâh lei awpa a chhuah ei suh u.

RAWMA 14:13 ပူးပေါင်းရင်းမြစ်များ

2 SAMUELA 12:14

He na hmotaopa heta Abeipa chariahpazy châta ano ama reipachhie nawpa rypaohpa na taopa vâta, na saw a pihpa deikua cha a thi aw,” tah ta.

ISAI 57:14

Abeipa ta hetana heta a tah: “Padua u la, padua u la, Lâpi a chhuahdy teh u; Ei phopi lâpi liata Pakhâpadiena a ypazy thy khai teh u.”

EZEKIA 14:3

“Chyhsa sawchapawpa y, he chyhsazy he ama khazoh nothlahpazy ama palôh liata soh ei ta, ama paraona ahluana lô ama hmia liata a sohpa ama châ hih. Einâ saohiah awpa ei ta ei paryhsa awpa a châ rai ma?

THEIHTHAINA 19:14

“Nahpâpa chhie na sapa awpa châ leipa ta, mochaopa hmiakô liata chapiasana na so awpa châ vei. Na Khazohpa na chi awpa a châ. Kei he Abeipa ei châ.

MATHAI 16:23

Zisu cha Pity lâ a heih ta, a hnohta, “Sâtâ, ei hnôh lâ y teh! Ei châta ahluana na châ he. Khazohpa hmozy pachâ leipa chi ta, chyhsapa hmozy tlao na pachâ via he,” tah ta.

MATHAI 18:7

“Molei reipasaonazy vâta khizaw he a hu a po kaw dia! Reipasaona cha a y awpa tlai châ ta, châhrasala reipasaona a paysatuhpa cha a hu a po na!

MATHAI 7:1

“Sei khuh vy, seipa ta nama y lei nawpa ta.

LUKA 12:57

“Khazia hmo dopa cha nâmo ta nama pasia thlâh ha vei?

LUKA 17:2

He hawti chyhpatazy hry liata pakha chhao pamoleisa awpa hlâta cha, a pamoleisatuhpa cha a rao liata charona lô paaopa ta, tilaipi liata pathla syulyupa châ sala, a châta a pha via aw.

RAWMA 11:9

Dâvi chhao ta, “Ama tlâhkhai cha, Ama châta khoheih nata aphyh châ sala, Achapiana nata viarithôna châ mawh sy.

RAWMA 14:10

Cha khiahta la, khazia na unawhpa na sei? Khazia na unawhpa na mohnao? Eima zydua heta Khazohpa pachiana dyuchhai hmiakô liata a duah khai awpa eima châ,

RAWMA 14:3

Ato a niepa ta a nie leipa mohnao khah sy. A nie leipa chhao ta, a niepa sei khah sy. Khazohpa ta ano cha â pyh ha mâh tâh.

RAWMA 14:4

Mohropa chakaotuhpa seituhpa cha ahy ma na châ? Â duah tlyma, a pao tlyma, ano zibeipa hmiakô liata a taopa a châ. Abeipa cha ano a paduasa theipa a châpa vâta, â duah thlâh ha aw.

RAWMA 16:17

Unawh saih u, biezyhpa eima cha pachupa chakhiapa ta, achhaihna taopa ta, paona châ sokhâhtuhpazy tawhta a vaih awpa ta ei châ haw ei. Âmo cha a kâsai teh u.

1 KAWRINI 10:32

Zuzy chhao, Krikâhzy chhao, Khazohpa Awnanopa chhao, amâ hlua nawpa hmo khâpa hmah tao khuh vy.

1 KAWRINI 11:13

Nâmosasyh ta a pachia teh u. Chanô ta luh a khu leipa ta Khazohpa lâta thlahchhâpa cha â ngia ma?

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

2 KAWRINI 6:3

Eima chakaona raihria he seipa ta a y lei nawpa ta, ahy lâpi lia hmahta achapiana lô soh ma pi.

PHILIPI 1:10

Chatanachata hmo pha chaipa pahnopa ta, Krista noh châta pathaihpa nata seina hnei leipa ta y aw ei chi ta,

1 TIMAWTHY 5:14

Chavâta nôhmei hawti viapazy cha, dyhchâ ei sala, sawzy hneipa ta, ama chhôhkhazy mohôh ei sala, sei nawpa rypaohpa khakhaipa hnohta ama pie lei awpa ei khoh.

ZÂMIE 2:4

nâmo nata nâmo a pathluapa châ ei chi ta, palôh moleipa a phaohpa pachiatuhpazy châ aw veih ei chi mâ?

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

1 ZAWHÂNA 2:10

A unawhpa kyh a pachâtuhpa cha khaihna liata a ypa châ ta, a hluah aw vei.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.