RAWMA 13:4 - Mara Bible RV (BSI)

⁴ Ano cha na pha nawpa ta Khazohpa chakaotuhpa a châ. Hmo moleipa na tao khiah deikua cha, chi kaw mah y, zaozi cha a chaba thlâhthli vei. Ano cha Khazohpa chakaotuhpa châ ta, hmo paraotuhpa chô liata Khazohpa hiehâhna phuhlatuhpa a châ.

RAWMA 13:4 ပူးပေါင်းရင်းမြစ်များ

1 ABEIZY 10:9

Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

2 THÂTIHZYRONA 19:6

Ryureituhpazy hnohta, “Nama hmotaopazy pakhâta ta pachâ u la, tao tyh muh vy. Chyhsapa châta ryu a reihpa châ leipa ei chi ta, Abeipa châta ryu a reihpa nama châ. Ryureina liata Abeipa nama hnohta â hlao lymâ.

BIESOZY 16:14

Abei pathiiana cha thina lyuhchâpa châ ta, Châhrasala chyhsa sopa ta cha a padia thei aw.

BIESOZY 20:2

Abei hiehâhpa cha chakeibarôhneipa a rôhpa hawhta châ ta, Abei hie a pahâhpa chyhsa cha a hro châta chi â chhih.

BIESOZY 20:26

Bei sopa cha moleipa pahrua thai ta, Ama chô liata tiaki a pahieh thlu tyh ei.

BIESOZY 20:8

Ryureina beidyuchhai liata a tyuhpa abei cha, A mo ta hmo pha leipa zydua a pahrua tyh.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ZEREMIAH 5:28

Thawh ei ta, Ama mitlaoh pha kaw. Moleina hmo taona kyh liata deikua, Â daihpa pahno veih ei; Paw hnei leipazy amâ tivy thei nawpa ta, Adona ta ama bie pachiapa leipa ei ta, Dyhchhiepazy pikhei tovyuh a duakhei veih ei.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 25:14

Ei phopi Izarei ku ta Edômâ chô liata ei phuh la aw na ta, ei hiehâhna nata ei pathiiana lymâ hawhta Edômâ chô liata tao aw ei ta, chatanachata kei ta phuh ei lapa a châzie ama pahno aw, Abeipa Zehôvâh ta a tah.

MIKÂ 3:9

Nâmo, Zakaw pathla chhituhpazy saih u, Nâmo, Izarei phopi ryureituhpazy saih u, Adona a hao ei chi ta, Apatlâpa a pakosapazy saih u,

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RAWMA 13:6

Ryureituhpazy cha Khazohpa chakaotuhpazy châ ei ta, Khazohpa chakaona rai a hriapazy ama châpa vâta, chhiezy chhao nama pie tyh.

1 THYSALAWNIKA 4:6

He kyh liata ahy hmah a unawhpa chô liata moleipa ta hmopha leipa a tao awpa châ vei. Cha chho chhielie ha pi ta, a phapa ta zikyu eima châ râ hapa hawhta, Abeipa cha, cha hawhpa hmo a taotuhpa zydua chô liata phuh latuhpa a châ.

ZAWSUA 20:5

Thisaih phuh latuhpa ta â vaw chadai khiahta cha, cha hlâta ahaona hnei leipa ta a vaih a thie pathleipa a châpa vâta, chyhsa thietuhpa cha a ku liata ama hlâ awpa châ vei.

ZAWSUA 20:9

Cha khihpizy cha Izarei sawzy nata ama hry liata chihropa a ypazy châta abohna khihpizy ta raopa châ ta, ahy rai chyhsa a thie pathleipa cha, zawpi hmiakô liata â dua hlâta thisaih phuh latuhpa ku liata a thi lei nawpa ta, cha khihpi lâ cha â râ awpa a châ.

1 PITY 2:14

moleina hmo a taopazy hrie awpa nata hmo pha a taopazy palyupalih awpa ta bei ta a tuapa râhvaotuhpa rai châ sala, ryureituhpazy rei a ngiah khai awpa a châ.