RAWMA 12:9 - Mara Bible RV (BSI)

⁹ Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy.

RAWMA 12:9 ပူးပေါင်းရင်းမြစ်များ

HLAZY 101:3

Hmo pha leipa kheihawhpa rai, Ei mohmô liata soh aw va na. Lâpi a tleipazy hmotaopa a hao na ta, Kei liata a bai aw vei.

HLAZY 119:104

Na pachunazy tawhta novâhna hnei na ta, Chavâta hrozie doleipa to ei hao.

HLAZY 119:163

Haipa he a haopa ta pasi na ta, Na ryhpa deikua cha ei pasô ngaita.

HLAZY 34:14

Moleina a heihsaipa ta hmopha tao la, Adyhna tlua la, a chadai mah y.

HLAZY 36:4

A rakhô liata hmo chhiepa patuapaluapa ta, Hrozie pha leipa liata anosasyh ta a soh ta, Moleina dytha vei.

HLAZY 45:7

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HLAZY 55:21

A pakah cha sâhpiti kuapa hawhta pahnia ta, A palôh lia deikua adyuhna ta a bie. A biezy sathaw hlâta nai via ta, Châhrasala zaozi phia hapa a châ.

HLAZY 97:10

Nâmo, Abeipa kyh a pachâtuhpa zydua saih u, Moleina a hao muh vy; Ano cha a mopathaihpazy hrona pabohsa ta, Hmoparaopazy ku tawhta a pachhatuhpa a châ.

BIESOZY 26:25

Bie phapa a reipa chhao ta zo khah y, A palôh liata hmo pasichhihpa miasari a vaopa a châ.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

AMÔSÂ 5:15

Chhiena a haopa ta phana khoh u la, Thokhy chhikao liata ryureina dopa padua teh u; Cha hawhta nama tao khiahta cha, Zehôvâh, Pheisaihzy Khazohpa ta Zawsi chi laibâhpazy cha, A ngiachhie thei ngyu aw.

MATHAI 26:49

Zisu cha thlai vaw pangai ta, a hnohta, “Ei châ naoh na, Pachutuhpa!” tah ta, Zisu cha a pahnâ ta.

ZAWHÂNA 12:6

Chyhsa dyhchhiepazy a pachâpa vâta châ leipa ta, parupa châ ta, tâkâ sahria â vaopa chhôh liata sopazy a la tyhpa a châpa vâta, cha bie cha a reipa a châ.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

2 KAWRINI 6:6

hro pathaihna liata zy, pahnona liata zy, daotheina liata zy, nôphana liata zy, Thlahpa Pathaihpa liata zy, kyhpachâna hmeiseihpa liata zy;

2 KAWRINI 8:8

Biepiepa hawhta reih leipa na ta, mohropazy phahnai ngiahna cha pahnosa ta, nâmo chhao kyhpachâna hmeiseihpa nama hneipa pasia nawpa ta ei reih.

1 THYSALAWNIKA 2:3

Eima châ hawna kha haiphiana bie tlyma, palôh pathaih leipa tawhta bie a puapa tlyma châ leipa ta, dôvei eima châ chhuahpa châ hra vei.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

1 THYSALAWNIKA 5:21

ato pasiapa ta, a phapa maih a pyh u la,

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

HEBRAI 1:9

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 4:8

Kyhpachâna ta moleina hluhpi khu ta, chavâta ato zydua hlâta kyhpachâna pachâ peimawh viapa ta, palôh hmeiseihpa ta kyh khâ a pachâ teh u.