RAWMA 12:6 - Mara Bible RV (BSI)

⁶ Ngiachhiena piepa eima châpa lymâ hawhta, hmopiepa nanopa eima hnei chyu. Hrohsona bie rei awpa a châ khiahta cha, eimâ ngiapâna rakha lymâ hawhta reih sih la,

RAWMA 12:6 ပူးပေါင်းရင်းမြစ်များ

MATHAI 23:34

Chavâta hrohsopazy, chyhsa sopazy nata ryhpa pachutuhpazy ei cha vaw tuapa ei. Thokha thie aw ei chi ta, thokha nama khaipâ aw. Thokha cha namâ pakhyna ozy liata chhei aw ei chi ta, khi kha tawhta khi hro lâta nama taola laih lymâ aw.

MATHAI 25:22

Talent miano a pavaosapa chhao kha a vy ta, a hnohta, ‘Ei zibeipa, talent miano eina pavaosapa chi kha, moh teh, talent hropa miano ei papôhsa,’ tah ta.

LUKA 11:49

Chavâta Khazohpa sona chhao ta, ‘Ama hnohta hrohsopazy nata lyuhchâpazy tuah aw na ta, thokha thie aw ei ta, thokha ama taola aw,’ a tahpa kha a châ.

HMOTAOPAZY 13:1

Antiôkâ Awnanopa sahlaozy hry liata hrohsopazy nata pachutuhpazy y ei ta. Chazy cha Bânabâ zy, Nikâ ama tahpa Simeôna zy, Kurini khihpa Lukia zy, Bei Herawda unawh heihpa Manaina nata Sawla zy ama châ.

HMOTAOPAZY 15:32

Hrohsopa Zudâh nata hrohsopa Sila ta bie hluhpi ta unawhzy cha thlah palôhpa ta, thapatlô ei ta.

HMOTAOPAZY 2:17

“‘Noh chhâna nohzy liata cha, Hetana heta a vaw châ aw, Khazohpa ta a tah: Chyhsa zydua chô liata Ei Thlahpa hry aw na ta, Nama sawchapawzy nata nama sawchanôzy ta Hrohsona bie phuah aw ei ta, Nama thyutliazy ta aluahnazy hmô aw ei ta, Nama pawpipazy ta mâ lâta ama sa aw.

HMOTAOPAZY 21:9

Sawchanô papalih hnei ta, âmo cha dyhchâ leipa ta hrohsona bie a phuah tyhpa ama châ.

RAWMA 1:11

Nama pachyu thei nawpa ta Thlahpa hmopiepa cha pahneisa awpa ei ta, nâmo châ hmô awpa ei khoh ngaita.

RAWMA 12:3

Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei.

1 KAWRINI 12:18

Khazohpa ta pachiahpa to he, pôhpa liata a khona lia maihta a paysa chyupa a châ.

1 KAWRINI 13:2

Hrohsona hmopiepa hneipa ta, bienyupa zydua nata pahnona zydua hnei khai hraw sah la, tlâhzy pasie theina taihta ngiapâna pakipa hnei hraw sah la, kyhpachâna ei hnei tlôh leipa khiahta la, khâpa hmah châ va na.

1 KAWRINI 14:1

Kyhpachâna a chadai u la, thlahpa hmopiepazy khoh u la, biechho chakaona hmopiepa khoh pachai teh u.

1 KAWRINI 14:24

Nama zydua ta bie nama chho khiahta deikua cha, ngiapâleipa tlyma, khôtho chyhsa tlyma a vaw ngia sala, a thaileizie nama zydua ta nama palâsapa châ aw ta, nama zydua ta nama pasiapa a châ aw.

1 KAWRINI 14:29

Hrohsopa pano tlyma, pathôh tlyma ta bie reih ei sala, ama biereipa cha mohropazy ta pakhâta ta pachâ mawh ei sy.

1 KAWRINI 3:5

Apawlôsâ cha khâpa ma a châ? Pawla chhao cha khâpa ma a châ? Chakaotuhpa, nâmo châ pangiapâsatuhpa deita ama châ. Cha chhao cha Abeipa ta a piepa lymâ hawhta ama hria chyupa a châ.

1 KAWRINI 7:7

Chyhsa zydua ta keima hawhta y khai ei sala tahpa ei khoh. Châhrasala chyhsa to Khazohpa tawhta hmopiepa hnei chyu ei ta, pakha ta hmopiepa miakha hnei ta, mohropa ta hmopiepa hropa a hnei.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

EPHESI 3:5

Cha thâtihpha bienyupa cha, tahmâ nota a lyuhchâpa pathaihpazy nata a hrohsopa pathaihpazy hnohta Thlahpa ta a pahnosapa hawhna heta, kha hlâta chyhsa sawzy hnohta pahnosapa châ beih vei.

EPHESI 4:11

Chatanachata thokha lyuhchâpa châ awpa ta, thokha hrohsopa châ awpa ta, thokha biechhotuhpa châ awpa ta, thokha mietaku vaituhpa châ awpa nata thokha pachutuhpa châ awpa ta Krista ta a rao ei.

PHILIPI 3:15

Keimo, pitlohpazy ta cha, cha hawhpa palôh cha phaoh ei suh u. Kheihawhpa kyh liata tlyma, palôh nanopa a phaohpa nama châ khiahta cha, cha chhao cha Khazohpa ta a cha pahnosa aw ei.

1 THYSALAWNIKA 5:20

Hrohsona biezy mohnao leipa u la,

2 PITY 1:20

Biehrai liata hrohsona bie kheihawhpa rai, chyhsapa tawhta a puapa bie châ vei tahpa pahno tua awpa a byuh.