RAWMA 12:20 - Mara Bible RV (BSI)

²⁰ Chavâta, “Na chariahpa a nodi khiahta cha, nie awpa pie la, a dâhphi khiahta cha, do awpa pie mah y. Cha hawhta na tao khiahta cha, a luh chô liata meiia beih na khaihpa a châ aw.”

RAWMA 12:20 ပူးပေါင်းရင်းမြစ်များ

ÂTHAONA 42:25

Zawsi ta ama sykhaozy biena taih sâh ryhpa awpa nata ama tâkâzy ama sykhao liata khôpa khai awpa nata lâpi liata ama nie awpazy pie awpa ta biepie ta. Cha hawhna chata taopa ei ta.

2 ABEIZY 6:22

Elaisâh ta, “Na thie awpa ei châ vei. Patu chiehpazy cha na zaozi nata na libaw zy ta na thie aw ei ma? Ama hmiakô liata viahchhâ nata ti tlao vaw soh teh. Niepa ta doh ei sala, ama zibeipa lâ a lie heih mawh ei sy,” tah ta.

HLAZY 120:4

Pasaipha châtai pazaopa ta cha hrie aw ta, Ôphi tho meihei kâ ngâpa ta a cha hrie aw.

HLAZY 140:10

Meihei iapazy ta âmo cha tla thlu sala, Mei liata thypa châ mawh ei sy! Thyu heih khao lei awpa ta, Khaohtlô athupa lâ thypa châ mawh ei sy!

MATHAI 5:44

Kei deikua ta cha ei cha chho ei, nama chariahpazy kyh pachâ u la, châ taolatuhpazy thlahchhâpa muh vy.

LUKA 6:27

“Ei bie a theituhpa saih u, ei cha chho ei. Nama khakhaipazy kyhpachâ u la, châ haotuhpazy chô liata hmo pha tao teh u.

RAWMA 12:21

Moleina a patiahsa leipa la, phana ta moleina cha tlao tiah mah y.

1 SAMUELA 26:21

Sawla ta, “Ei vaw molei ha na. Vaw kua ha mah y, ei sawchapawpa Davi. Ei hrona he na mohmô liata tanoh sôh ngaita ta, chavâta kheihta hmahta cha tah khao aw va na. Moh teh, hru kawpa ta hmo vaw tao na ta, ei vaw tao chhei ngaita,” tah ta.