RAWMA 12:2 - Mara Bible RV (BSI)

² He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

RAWMA 12:2 ပူးပေါင်းရင်းမြစ်များ

EZRÂ 10:11

Chavâta tahmâ Abeipa, châ pathlatuhpazy Khazohpa liata nama moleinazy palâhâhpa ta reihpha cheih u la, a khopa tao u la, he râh liata a pahrâpa phopizy nata chihropa lapinô ta nama hneipazy tawhta a panano teh u,” tah ta.

HLAZY 119:103

Na biezy cha ei pakah châta a thlôh kaw dia! Kheihti hlâta ei pakah liata a thlôh via.

HLAZY 119:128

Chavâta na pachunazy â do khai tah na ta, Hrozie doleipa ei hao.

HLAZY 119:174

Hy Abeipa, na pachhana vâ ngaita na ta, Na ryhpa cha ei lyna a châ.

HLAZY 119:72

Ngôh nata tâkâ sâh hluhpi hlâta, Ei châta na pakah ryhpa bie pha via syulyu tlôh ta.

HLAZY 119:97

Na ryhpa cha ei pasô kaw dia! Noh y ta ei pachâ tyh.

HLAZY 34:8

Abeipa phazie he padi u la, moh tua rai u, Ano liata ngâna a pahniehpa chyhsa cha a nohlao na!

HLAZY 51:10

Hy Khazohpa, palôh pathaihpa kei liata paysa la, Pachâna dopa ei chhôh liata pathieh heih mah y.

PUASAINA 23:2

Hmo moleipa taona liata zawpi na zi awpa châ leipa ta, biepeipa pachiana liata bie pahnotuhpa ta nâ dua tita, ryureina dopa tleisai awpa ta zawpi na zi awpa châ vei.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 36:26

Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MÂKA 4:19

châhrasala khizaw hmo pachâna nata hneirôna nata hmo hropazy tlaichhaina âmo liata a vaw ngia ta, cha chata bie cha disao ta, pathei thei leipa ta a y tyh.

ZAWHÂNA 14:30

He tawhta la nama hnohta bie reih hluh thei khao aw va na, khizaw ryureituhpa a vy tlôh aw ta. Ei chô liata biehnei taraw vei,

ZAWHÂNA 15:19

Khizawpa châ u la, khizaw ta ano eih hawhta kyh a cha pachâ aw ei. Châhrasala khizawpa châ leipa ei chi ta, khizaw tawhta ei tlyh papuapa nama châpa vâta, khizaw ta a châ hao ei.

ZAWHÂNA 17:14

Na bie ama hnohta pie ha ei na ta, kei khizawpa ei châ leipa hawhna heta, âmo chhao khizawpa ama châ leipa vâta, khizaw ta âmo cha amâ hao.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 13:14

Abeipa Zisu Krista ta tlao a tobi u la, nama sapa khopa pipatlohsa nawpa ta khâpa hmah tao khuh vy.

RAWMA 7:12

Chavâta ryhpa cha pathaih ta, biepiepa chhao pathaih ta, sia ta, a pha.

RAWMA 7:14

Ryhpa cha thlahpa hmo a châ tahpa eima pahno. Kei deikua cha sapa chyhsa, moleina sei ta zua hapa ei châ.

RAWMA 7:22

Ei palôh ta Khazohpa ryhpa liata a ly na ta,

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

KALATIA 1:4

Ano cha eima Khazohpa nata eima Paw khozie hawhta, tahmâhlâ khizaw moleina tawhta miah pachha awpa ta, eima moleinazy vyuhpa ta anosasyh â hlâpa a châ.

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

EPHESI 2:2

He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

EPHESI 5:17

Chavâta hru leipa u la, Abeipa khopa khâpa ma a châ tahpa tlao pahno teh u.

KAOLAOSÂ 1:9

Cha vâna chata, nama thâtih eima thei noh tawhta, nâmo châta thlahchhâ bâh beih ma pi. Thlahpa lâ sona nata novâhna zydua hneipa ta, ano khopa pahnona ta pabiepa nama châ thei nawpa ta, eima cha hiapa tyh.

KAOLAOSÂ 3:10

Chyhsa thiehpa ta a tobi ha ei chi ta, cha chyhsa thiehpa cha pahnona hnei awpa ta, ano taotuhpa lyupa ta tao pathipa ta a y lymâ.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

1 THYSALAWNIKA 4:3

Nama pathaih awpa he Khazohpa khozie a châ. Apatlana moleina bâhsai ha muh vy.

TITU 3:5

siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

1 PITY 1:14

Saw phapazy hawhta y u la, kha hlâta nama pahno lei nota nama aohraohnazy hawh khata y khao khuh vy.

1 PITY 1:18

Châ pathlatuhpazy tawhta nama to pachhuahpa nama yzie hraoleipa tawhta a rao theipa tâkâ nata ngôh ta chatlaipa châ leipa ei chi ta,

1 PITY 2:3

Abeipa phana nama padi ha hih.

1 PITY 4:2

Chatanachata sapa ta nama hro chhôh zydua chyhsapa aohraohnazy liata hroh khao leipa aw ei chi ta, Khazohpa khozie hawhta nama hroh thei aw.

2 PITY 1:4

Chatanachata a bietai sôh ngaitapa nata rônah ngaitapazy miah pie ta, chazy zawhzi ta moleina aohraohna vâta khizaw liata paraona a ypa cha a râsaipa ta, Khazohpa nôchâ a hlytuhpazy nama vaw châ haw.

2 PITY 2:20

Eima Beipa nata Pachhatuhpa Zisu Krista ama pahnopa vâta, khizaw puanazy amâ râsai ha tawhta, cha lilaw liata a tâh heihpa ta, pahniepa ta ama y heih khiahta cha, hnôhlâ ta ama yzie cha hmialâ ta ama yzie hlâta a chhie via ha tyh.

1 ZAWHÂNA 3:13

Unawhzy saih u, khizaw ta a châ haopa vâ ei ta nama noâh khah sy.

1 ZAWHÂNA 5:19

Keimo cha Khazohpa tawhtapa châ pi ta, khizaw pôhpalôhpa he Sâtâ rei sai ta a y tahpa eima pahno.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.