RAWMA 12:19 - Mara Bible RV (BSI)

¹⁹ Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RAWMA 12:19 ပူးပေါင်းရင်းမြစ်များ

BIESOZY 20:22

“Moleina cha viari ei thô aw,” tah khah y, Abeipa hâ la ano ta a cha pachha aw.

BIESOZY 24:29

“Ei chô liata a taopa hawhta ano chô liata tao aw na ta, A hmotaopa viari ei thô aw,” tah khah y.

ZEREMIAH 51:36

Chavâta Abeipa ta hetana heta a tah: “Pachâ teh, na chhâh a châ aw na ta, Na phuh ei cha lapa aw. A tilaipi pakua aw na ta, A tihnawh ei pachawhkaraisa aw.

EZEKIA 25:12

“Abeipa Zehôvâh ta hetana heta a tah: Edômâ cha phuh lanazie ta a pielyu ta, Zudâh pathlazy chô liata phuh lapa ta, thata hmo a paraopa vâta,

THEIHTHAINA 19:18

Phuh na la awpa châ vei. Na chiheihzy chhyh thai leipa ta na y awpa châ leipa ta, nâma kyh nâ pachâpa hawhta na vaih kyh na pachâ awpa a châ. Kei he Abeipa ei châ.

MATHAI 5:39

Kei deikua ta cha ei cha chho ei, moleipa a dyuh khah u. Chyhsa ta na baih chachâh lâ a cha chabaih khiahta cha, hiakha lâ chhao dao mah y.

RAWMA 12:14

Châ taolatuhpazy byhnâ awpa u la, chhiesapa leipa ta, byhnâ awpa teh u.

RAWMA 12:17

Ahy moleina rai moleina ta viarithô leipa u la, chyhsa zydua mohmô ta hmo dopa tao awpa ta pachâna tlao hmâh tyh muh vy.

RAWMA 13:4

Ano cha na pha nawpa ta Khazohpa chakaotuhpa a châ. Hmo moleipa na tao khiah deikua cha, chi kaw mah y, zaozi cha a chaba thlâhthli vei. Ano cha Khazohpa chakaotuhpa châ ta, hmo paraotuhpa chô liata Khazohpa hiehâhna phuhlatuhpa a châ.

EPHESI 4:27

ahripa châta su paruapa khuh vy.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”

1 THYSALAWNIKA 4:6

He kyh liata ahy hmah a unawhpa chô liata moleipa ta hmopha leipa a tao awpa châ vei. Cha chho chhielie ha pi ta, a phapa ta zikyu eima châ râ hapa hawhta, Abeipa cha, cha hawhpa hmo a taotuhpa zydua chô liata phuh latuhpa a châ.

2 TIMAWTHY 4:14

Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.

HEBRAI 10:30

“Phuh cha keima la awpa châ ta, kei ta viari ei thô aw,” a tahtuhpa eima pahno. “Abeipa ta a phopi a pachia aw,” a tahtuhpa chhao eima pahno.

1 SAMUELA 25:26

Chavâta ei zibeipa y, tahmâ Abeipa hrona nata nâma hrona reipa ta ei reih. Abeipa ta thisaih palo awpa tawhta nata na chariahpazy chô liata nâma ku ta phuh la awpa tawhta cha pakhâ ha ta, chavâta na chariahpazy nata na chô liata hmo pha leipa tao a chhuahpazy cha Nâbâ hawhta châ mawh ei sy.

1 SAMUELA 25:33

Hmo na pahno thaina he thlaochhina châ sala, thisaih palopa thaileichâna tawhta nata keima ku ta phuh la awpa tawhta nâ pabohsatuhpa nâma chhao vânoh topa ta y mah y!

1 SAMUELA 26:10

Dâvi ta, “Abeipa hrona reipa ta ei reih, Abeipa ta a chô liata ku a pathla aw. Cha hawhta a châ leipa chhao ta, a thina noh vaw tlô thei ta, adyuhna lâ sie aw ta a leidia thei hra.

1 SAMUELA 26:11

Abeipa sathawthupa chô liata ku ei pathla awpa cha Abeipa ta pakhâ mawh sy. A luh chô liata asei nata titheih deikua hao kei la la, sie ha ei suh u,” tah ta.