RAWMA 12:14 - Mara Bible RV (BSI)

¹⁴ Châ taolatuhpazy byhnâ awpa u la, chhiesapa leipa ta, byhnâ awpa teh u.

RAWMA 12:14 ပူးပေါင်းရင်းမြစ်များ

MATHAI 5:44

Kei deikua ta cha ei cha chho ei, nama chariahpazy kyh pachâ u la, châ taolatuhpazy thlahchhâpa muh vy.

LUKA 23:34

Zisu ta, “Ei Paw y, âmo he a ngiahthai mah y, ama hmotaopa he ama pahno vei na,” tah ta. A chysiazy a rai awpa ta nuby a dao ei ta.

LUKA 6:28

Nama chô liata chhie a sapazy byhnâ awpa u la, châ pasipasawhpazy thlahchhâpa teh u.

HMOTAOPAZY 7:60

A pakhu paneih ta, ao paro ngaitapa ta, “Abeipa y, he ama moleina maoh he âmo paphaosa khah y,” tah ta. Cha bie cha a rei khai nahta, a mô ha ta.

RAWMA 12:21

Moleina a patiahsa leipa la, phana ta moleina cha tlao tiah mah y.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

ZÂMIE 3:10

Pakah miakha tawhta reithaina nata chhiesana a pua tyh. Unawh saih u, cha hmozy cha, cha hawhta a châ awpa châ vei.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.