RAWMA 12:10 - Mara Bible RV (BSI)

¹⁰ Unawh kyhpachâna ta kyh a pachâ raihrie u la, a palyupalih raihrie muh vy.

RAWMA 12:10 ပူးပေါင်းရင်းမြစ်များ

ÂTHAONA 13:9

Na hmiakô liata râh zydua y vei mâ? Ngiachhiepa ta keima tawhta a panano thlâh ha mah y. Nâ chavei lâ na sie khiahta cha, kei chachâh lâ sie aw na ta, nâ chachâh lâ na sie khiahta cha, kei chavei lâ ei sie aw,” tah ta.

ZAWBÂ 1:4

A sawchapawzy cha, pakha o tawhta pakha o lâ a pasiepa ta, âmo daihti chyu liata kyhchhina tao tyh ei ta. Ama sietanô pathôhzy lâta chyhsa tuah ei ta, ama hnohta niedo awpa ta ama hrua tyh.

HLAZY 133:1

Moh tua u, unawhzy a dyh ngaitapa ta ypa cha, Pha ta â ngia kaw dia!

ZEREMIAH 38:12

Kusi chyhsa Ebemele ta Zeremiah hnohta, “Chysia paropazy nata poh parohpazy he na bâhkalie liata chaorizy heta chahry pâ teh,” tah ta. Zeremiah ta cha hawhna chata tao ta.

MATHAI 20:26

Nâmo hry liata deikua cha, cha hawhta a châ awpa châ vei. Nama hry liata ahy rai chyhsa rônahpa châ a khohpa cha, nâmo châ chakaotuhpa ta a y awpa a châ.

LUKA 14:10

Hruapa na châ tita, vawh la atyuna a hnai chaipa liata a tyuh mah y. Chatanachata châ hruatuhpa â vy tita, na hnohta, ‘Viasa, â sâh viapa lâ a pasie teh,’ cha tah aw ta, pati tlâhkhai na dôhlâhpa zydua mohmô ta palyupalihpa ta na y aw.

ZAWHÂNA 15:17

Kyh namâ pachâ raihrie thei nawpa ta, he biezy he ei cha pie ei.

ZAWHÂNA 17:21

Chatanachata ei Paw y, nâ liata kei y na ta, kei liata nâ na ypa hawhna heta, âmo chhao keimo liata ypa ta, ama zydua ta pôhkha châ aw ei ta, nâ ta eina tuah chi tahpa khizaw ta ama zo aw.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

RAWMA 13:7

Chyhsa zydua lâta pie awpa maih pie lymâ teh u. Chhie pie awpa lâta chhie pie u la, leimâ chei awpa lâta leimâ cheih u la, za awpa cha za u la, palyupalih awpa cha palyupalih teh u.

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

PHILIPI 2:3

Hlaotlohna hmô ta, moh a lâ awpa khona vâta tlyma, apalaina vâta tlyma, khâpa hmah tao khuh vy. Tlao a panawh u la, nâmo hlâta mohropazy pha viapa ta rao teh u.

KAOLAOSÂ 1:4

Krista Zisu namâ ngiapâzie nata mopathaihpa zydua chôta kyhpachâna nama hneizie eima vaw theipa vâta nata,

1 THYSALAWNIKA 4:9

Unawhzy kyhpachâna kyh liata, nama hnohta châpaphaopa ei ro awpa a ngiah veih ei chi. Kyh a pachâ raihrie awpa ta Khazohpa ta a cha pachu ei.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

HEBRAI 13:1

Unawh kyhpachâna y lymâ mawh sy.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 2:17

Chyhsa zydua za u la, unawhzy kyhpachâ u la, Khazohpa chi u la, abei cha za teh u.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

2 PITY 1:7

Khazohpa pachâna liata unawhzy atlaichhaina a hlao sala, unawhzy atlaichhaina liata kyhpachâna a hlao mawh sy.

1 ZAWHÂNA 4:11

Kho ngaitapa saih u, Khazohpa ta cha tlatlu ta kyh miah a pachâ khiahta cha, keimo chhao kyh eimâ pachâ raihrie awpa a châ.

1 ZAWHÂNA 4:20

Chyhsa ta, “Khazohpa kyh ei pachâ,” tah sala, a unawhpa â hao tlôh khiahta cha, a haihpa a châ. A unawhpa a hmô thlâh hapa hmahta kyh a pachâ vei khiahta cha, a hmô leipa Khazohpa chhochhi cha kheihta ma kyh a pachâ thei aw?