RAWMA 11:30 - Mara Bible RV (BSI)

³⁰ Eikhano ta cha Khazohpa rei a ngiah leipa châ ei chi ta, tahmâ deikua cha, âmo reingiah leina zawhzi ta ngiachhiena nama to haw.

RAWMA 11:30 ပူးပေါင်းရင်းမြစ်များ

RAWMA 11:29

Khazohpa hmosaipiepazy nata a awna cha panano heih theipa châ vei.

RAWMA 11:31

Cha hawhna chata, âmo chhao tahmâ reingiah leipa ta y chy hra ei sala, nâmo chô liata ngiachhiena palâsapa vâna heta, âmo chhao ngiachhiena ama to thei hra aw.

RAWMA 15:9

Chatanachata Zenitaizy chhao ta Khazohpa cha a ngiachhiena vâta ama reithai thei hra aw, Biehrai liata, “Zenitaizy hry liata cha reithai aw na ta, Na moh reithaipa ta ei sa aw,” tahpa ropa hawhna khata.

1 KAWRINI 7:25

Dyhchâ leipa laihsa kôpazy kyh liata, Abeipa tawhta biepiepa hnei leipa na ta, châhrasala Abeipa ngiachhiena zawhzi ta chyhsa ngâchhihpa ei châna lâ tawhta ei pachâzie ei reih.

2 KAWRINI 4:1

Cha chakaona cha Khazohpa zawngiahna vâta eima hnei theipa a châpa vâta, eima palôh chhâ vei.

KAOLAOSÂ 3:7

Kha hlâta cha nâmo chhao, cha hmozy liana chata hroh ei chi ta, cha hmozy cha nama tao tyh.

1 TIMAWTHY 1:18

Ei saw Timawthy y, nâma kyh liata hrohsona bie phuah chhieliepa hawhna khata, adyuhna phapa ta nâ dyuh thei nawpa ta, he biepiepa he na chô liata ei pahnieh.

HEBRAI 3:18

 pahâna liata a ngia lei awpa ta bie â taihpazy kha ahyzy ma ama châ? Reingiah leipazy kha châ veih ei ma?

1 PITY 2:10

Hlâno ta cha phopi châ leipa ei chi ta, tahmâ deikua cha Khazohpa phopi nama châ haw. Hlâno ta cha zawngiahna hmô leipa ei chi ta, tahmâ deikua cha zawngiahna nama hmô haw.