RAWMA 11:28 - Mara Bible RV (BSI)

²⁸ Thâtihpha kyh liata la, nâmo vâta khakhaipa châ ei ta, atlyhna kyh liata deikua cha, pathlatuhpazy vâta kyhpachâpazy ama châ.

RAWMA 11:28 ပူးပေါင်းရင်းမြစ်များ

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 28:14

Na pathlazy cha alei liata dohlei zie châ aw ei ta, notla lâ, nochhi lâ, maw nata chho lâzy lia nama pôh lymâ aw. Nâ nata na chipathla liata khizaw pho to ama hu â hieh aw.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

MATHAI 21:43

“Chavâta ei cha chho ei, Khazohpa khinarâh cha nâmo tawhta lapa châ aw ta, a pathei awpa phopi hnohta piepa a châ aw.

LUKA 1:54

A zawngiahna atheithlâhna châta, A chakaotuhpa Izarei cha bao ta,

HMOTAOPAZY 14:2

Ngiapâ khoh leipa Zuzy ta Zenitaizy pasyu ei ta, unawhzy cha pahaosa ei ta.

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

RAWMA 11:11

Cha khiahta la, amâ chapiana cha ama pao pathlah nawpa a châ ma? Châ bao va! Izarei hia patliasa awpa ta, amâ chapiana vâta Zenitaizy lâ pachhana a vaw tlôpa a châ.

RAWMA 11:30

Eikhano ta cha Khazohpa rei a ngiah leipa châ ei chi ta, tahmâ deikua cha, âmo reingiah leina zawhzi ta ngiachhiena nama to haw.

RAWMA 11:7

Cha khiahta la, kheihta a châ aw? Izarei ta a tluapa cha hmô leipa ta, atlyhpazy ta hmô ei ta, ahropazy cha kuhchhâpa ta ama y,

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 9:5

Pathlatuhzy kha ama mapawzy châ ei ta, sapa kyh lâta cha Krista tlai chhao cha, âmo chi tawhta a vaw puapa a châ. Ano cha ato zydua chô liata Khazohpa châ ta, chhâzaw ta reithaipa ta y mawh sy. Amen.

RYHPACHANEINA 10:15

Cha hawhpa Abeipa chata châ pathlatuhpazy chô liata a palôh tlâh ta, ama kyhpachâ ta, tanoh nama châna hawhna heta, nâmo, ama pathlazy cha phopi zydua chô lâta cha sopa ta, a châ tlyhpa ei a châ hih.

RYHPACHANEINA 4:31

Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.

RYHPACHANEINA 8:18

Abeipa nama Khazohpa cha namâ thei thlâh ha awpa a châ. Ano tlai cha nama hneirôh nawpa ta hmotaotheina châ pietuhpa ei châ ta, tanoh ta namâ tyhpa hawhna heta, châ pathlatuhpazy hnohta bie â taihpa a biehrai a pa-ituhpa a châ.

RYHPACHANEINA 9:5

Nâmo siana vâta tlyma, nama palôh â dopa vâta tlyma, ama râh liata a ngiapa ta nama hnei awpa châ leipa ta, he phopizy moleipa vâta nata Abeipa ta châ pathlatuhpa Abarahâ, Aisika nata Zakaw zy hnohta bie â vaw taihpa a pa-i thei nawpa ta, Abeipa nama Khazohpa ta âmo cha nama hmiakô tawhta a papuapa a châ.