RAWMA 11:25 - Mara Bible RV (BSI)

²⁵ Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

RAWMA 11:25 ပူးပေါင်းရင်းမြစ်များ

HLAZY 107:43

Chyhsa sopa maihta cha hmozy cha ngia ei sala, Abeipa kyhpachâna tleih beih leipa kyh pachâ tyh mawh ei sy.

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 72:17

A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

BIESOZY 26:12

Ano mokhaoh liata â pasosa kawpa chyhsa na hmô tyh ma? Cha hawhpa chyhsa hlâta cha, Ahrupa châta hnabeiseihna a y via.

BIESOZY 26:16

Hmo a laichadai thaipa pasari hlâ chhao ta, Thathipa cha ano mo liata â pasosa via tyh.

ISAI 5:21

Âmo mo liata â pasosa kaw ei ta, Âmo mohmô liata thai â tah kawpazy cha, Ama hu a po na!

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

MATHAI 13:11

Zisu ta âmo cha a chhy ta, ama hnohta, “Nâmo cha vârâh khinarâh bieparuzy pahno awpa ta piepa châ ei chi ta, âmo deikua cha piepa châ veih ei.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

ZAWHÂNA 10:16

He mietaku sadô liata a y leipa mietaku hropazy ei hnei. Âmo chhao a vaw chhi aw ei na ta, ei ao ama thei hra aw. Chatanachata zaw kha ta y aw ei ta, vaituhpa pakha ama hnei aw.

RAWMA 1:13

Unawh saih u, nâmo nata Zenitai hropazy hry liata theilâpa hmô awpa ta, cha vaw tly awpa ei a chhuah tyh na ta, châhrasala pakhâna a y chhyh hapa kyh nama pahno lei awpa khoh va na.

RAWMA 11:12

Ama paona hmahta khizaw hneirôna châ sala, ama leina Zenitaizy hneirôna a châ khiahta cha, ama pakina chhochhi cha hneirôna a châ pachai aw dia!

RAWMA 11:24

Nâ, râh liata ôli kô tawhta chhawhpa hmahta, pikhei siezie tyhpa chakhiapa ta, sadô liata lopa ôli tho liata pazaopa na châ thei khiahta cha, pikheipa ta ôli chiah a châpazy chhochhi cha, âmo ôli tho liata pazao via pachaipa ama châ aw.

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

1 KAWRINI 10:1

Unawh saih u, he hmo he nama pahno lei awpa khoh va na. Miah pathlatuhpa zydua kha meihdo ry liata y khai ei ta, ama zydua ta tilaipi ama chaka khai.

1 KAWRINI 12:1

Chavâta unawh saih u, thlahpa hmopiepazy kyh liata, nama pahno lei awpa khoh va na.

1 KAWRINI 2:7

Eima rônah nawpa ta Khazohpa ta khizaw y hlâta a vaw rao chhielie hapa, Khazohpa sona bieru nata bienyupa tlao eima pachu tyh.

1 KAWRINI 4:1

Keimo he Krista chakaotuhpa nata Khazohpa bienyupa mokhâhtuhpa ta chyhsa ta miah pachâ mawh ei sy.

EPHESI 1:9

A hmochhuahpa bienyupa cha, â chhuahpa hawh tlai ta Krista liata a vaw patlôsapa kyh miah a pahnosa haw.

EPHESI 3:9

Khazohpa ato taotuhpa hnohta nyu kôzawpa bienyupa achhuahna cha palâsa awpa ta, cha ngiachhiena cha piepa ei châ hra.

EPHESI 4:18

Ama palôh kuhchhapa vâta pahno leina âmo liata y ta, cha chata ama pahnona pazohsa ta, Khazohpa hrona tawhta pachhaihpa ta ama y.

2 PITY 3:8

Kho ngaitapa saih u, he hmo miakha he my khuh vy: Abeipa pachâ ta cha, noh kha he kô sâh kha hawhta châ ta, kô sâh kha chhao noh kha hawhta a châ.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.

BIEPHUAH 10:7

Vâlyuhchâpa pasarina ta chiahmie ta a awna noh liata deikua cha, a chakaotuhpa hrohsopazy hnohta a phuahpa hawhna khata, Khazohpa bienyupa cha pakipa a châ aw,” tah ta.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.