RAWMA 11:2 - Mara Bible RV (BSI)

² Khazohpa ta a pahno hapa a phopi cha thy aw vei. Biehrai ta Elaizâh kyh a reipa kha pahno veih ei chi ma? Elaizâh ta Izarei kyh Khazohpa lâ tlôkhei ta,

RAWMA 11:2 ပူးပေါင်းရင်းမြစ်များ

ÂTHAONA 44:15

Zawsi ta ama hnohta, “Khâpa hmo nama tao haw? Kei hawhpa chyhsa heta cha pachao chhao a thai tahpa pahno veih ei chi mâ?” tah ta.

NEHEMIAH 9:30

Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

HLAZY 94:14

Abeipa ta a phopi siesai leipa aw ta, A ryuto cha thy aw vei.

PUASAINA 32:1

Mawsi cha tlâh tawhta charâ ta a za chô leipa zawpi ta ama pahno nahta, Arawna lâta zawpi a hmaohpakhy ei ta, a hnohta, “Thyu la, eima hmia lâta a sie awpa khazoh miah taopa teh. Kha Mawsi, Izi râh tawhta miah a kaw chhi papuatuhpa chyhsa kha, khâpa hmo ma a chô liata a tlô tahpa pahno khao ma pi hih,” tah ei ta.

ZEREMIAH 31:37

Abeipa ta hetana heta a tah: “Chô lâ avâzy khi thlie theipa châ sala, Ry lâta alei abônazy hmô theipa a châ khiahta cha, Izarei chipathlazy chhao ama hmotaopa zydua vâta, Ama zydua ta ei thy pathlah khai aw ei,” Abeipa ta a tah.

MALUHREINA 16:15

Mawsi cha a hiehâh ngaita ta, Abeipa hnohta, “Ama hmohlâpa a pyh khah y. Âmo tawhta alâ pô kha hmah la leipa na ta, ama hry liata pakha hmah pasasa beih va na,” tah ta.

MÂKA 12:26

Athihpazy pathyupa ta ama y awpa kyh cha, Mawsi châbu liata thobuh kyh rona liana khata, Khazohpa ta, ‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta Mawsi a chhona bie kha reih beih veih ei chi ma?

LUKA 4:1

Zisu cha Thlahpa Pathaihpa ta biepa ta Zawdâh chavah tawhta a lie ta, Thlahpa ta râhchawhpa lâ a chhi ta.

ZAWHÂNA 4:11

Chanô ta a hnohta, “Pâpuh, ti thai nawpa khâpa hmah hnei tlôh chi va, tikhaoh hra a thu tlôh, khataih liatapa ma ti hrohpa cha na hmô?

HMOTAOPAZY 13:48

Cha biezy cha Zenitaizy ta ama thei nahta, a ly ngaita ei ta, Khazohpa bie cha parônahsa ei ta; chhâzaw hrona hnei awpa ta raopa hluhpizy cha a ngiapâ ha ei ta.

HMOTAOPAZY 15:18

Hlâno tawhta pahnopa Abeipa ta a tah,’ tahpa ta ama vaw chho haw.

HMOTAOPAZY 3:17

“Châhrasala unawh saih u, nama ryureituhpazy ta ama pahno leipa vâta ama taopa hawhna khata, nâmô chhao nama pahno leipa vâta, hezy he nama taopa a châ tahpa ei pahno.

HMOTAOPAZY 7:40

Arawna hnohta, ‘Miah chhihtha awpa ta khazohzy miah taopa teh. He Mawsi, Izi râh tawhta miah a kaw chhi papuatuhpa he a thâtih pahno khao ma pi,’ tah ei ta.

RAWMA 6:16

Ahy lia rai ta ama bie zyh awpa ta sei ta namâ ngia khiahta cha, a bie nama zyhpa sei nama châ tahpa pahno veih ei chi ma? Moleina sei ta namâ ngia khiahta cha, thina lâ châ chhi aw ei ta, reingiahna sei ta namâ ngia khiahta cha, siana lâ a châ chhi aw ei.

RAWMA 9:23

Ngiachhiena beihzy chô liata a rônahna palâsa nawpa ta, cha hmo cha Khazohpa ta a rônahna châta â chhuanoh chhielie hapa châ sala, khâpa a pei aw?

RAWMA 9:6

Châhrasala Khazohpa bie cha hraoleipa ta a y tahna châ vei. Izarei pathla zydua Izarei châ khai hlei veih ei.

1 KAWRINI 6:2

Mopathaihpazy ta khizaw ama pachia aw tahpa pahno veih ei chi mâ? Khizaw hmah nama pachia awpa khiahta cha, hmo chynawhpazy nama pachia thei lei nawpa khâpa a y?

1 KAWRINI 8:3

Khazohpa kyh a pachâpa deikua cha, Khazohpa ta ano cha a pahno.

PHILIPI 1:22

Ei hroh chy khiahta cha, chakaona theilâpa hmô awpa ta a hrohpa ei châ. Kheihawhpa ma ei tlyh aw tahpa pahno va na.

HEBRAI 1:1

Hlâno ta hrohsopazy hmâpa ta Khazohpa ta miah pathlatuhpazy hnohta ei hluhpi nata kyh to ta bie vaw reih tyh ta,

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.