RAWMA 11:1 - Mara Bible RV (BSI)

¹ Cha khiahta la, hiahrina ei tao. Khazohpa ta ano phopi cha a thy aw ma? Thy bao va! Kei chhao he Izarei chyhsa, Abarahâ pathla, Benzami chi ei châ.

RAWMA 11:1 ပူးပေါင်းရင်းမြစ်များ

2 ABEIZY 23:27

Abeipa ta, “Izarei ei papuapa hawhta Zudâh chhao ei mohmô tawhta papua aw na ta, khihpi ei tlyhpa, Zerusale nata ‘cha liata ei moh a y aw,’ ei tahpa Achhyna o chhao he hnôh ei chhy aw,” tah ta.

HLAZY 77:7

“Abeipa ta chhâzaw ta a thy pathlah aw ma? Khokheina palâsa beih khao aw vei ma?

HLAZY 94:14

Abeipa ta a phopi siesai leipa aw ta, A ryuto cha thy aw vei.

HÔSIA 9:17

A rei amâ ngia leipa vâta, Ei Khazohpa ta dytha aw ei ta, Phopizy hry liata viavipa ta ama y aw.

LUKA 20:16

A vy aw ta, thlyuhlaotuhpazy cha pahleipadia aw ta, kre sadô cha mohropazy a pie aw ei,” tah ta. Cha cha ama thei nahta, “Khazohpa ta pasaih khah sy?” tah ei ta.

HMOTAOPAZY 22:3

“Kei he Zu chyhsa châ na ta, Silisia râh Tarsâ khih liata a pihpa ei châ. Châhrasala Kâmalia phei thaby lia a chu na ta, he khihpi liata a laiseihpa ei châ. Miah pathlatuhpazy ryhpa â i ngaitapa ta pachupa châ na ta, tanoh nâmo zydua hawhna heta Khazohpa châta phahnai a ngiah ngaitapa ei châ tyh.

HMOTAOPAZY 26:4

“Ei thyutlia tawhta ei chiheihzy hry liata nata Zerusale liata ei hroziezy cha, Zu chyhsa zydua ta âthaona tawhta ama pahno.

RAWMA 11:11

Cha khiahta la, amâ chapiana cha ama pao pathlah nawpa a châ ma? Châ bao va! Izarei hia patliasa awpa ta, amâ chapiana vâta Zenitaizy lâ pachhana a vaw tlôpa a châ.

RAWMA 3:4

Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.

RAWMA 9:3

Ei unawhzy, sapa lâta ei chiheihzy châna heta, kei he chhiesapa ta ypa ta, Krista tawhta chhawh pathlahpa ta y aw sah la ei tah tyh.

2 KAWRINI 11:22

Hebrai chyhsa ama châ ma? Kei chhao ei châ. Izarei chyhsa ama châ ma? Kei chhao ei châ. Abarahâ pathla ama châ ma? Kei chhao ei châ.

PHILIPI 3:5

Noh chariena noh ta chopawtaipa, Izarei phopi pathla, Benzami chi, Hebraizy hry liata Hebrai pachaipa ei châ. Ryhpa kyh liata Phârisaih châ na ta,

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.