RAWMA 10:9 - Mara Bible RV (BSI)

⁹ Na pakah ta, “Zisu cha Abeipa a châ” tahpa ta a châhkhei la, athihpa hry tawhta Khazohpa ta a pathyu tahpa na palôh ta nâ ngiapâ khiahta cha, pachhapa ta na y aw.

RAWMA 10:9 ပူးပေါင်းရင်းမြစ်များ

LUKA 12:8

“Ei cha chho ei, chyhsa hmiakô liata nâ châhkheipa maih cha, Chyhsa Sawchapawpa ta Khazohpa vâlyuhchâpazy hmiakô liata â châhkhei hra aw.

ZAWHÂNA 9:22

Zuzy ta ahy rai Zisu cha Mesia a châ tahpa ta a palâhâhpa maih cha, pakhyna o tawhta papuapa a châ aw tahpa ta ama pathlu hapa vâta, a nôpawzy ta Zuzy cha chi ei ta, cha hawhta ama reipa a châ.

HMOTAOPAZY 16:31

Âmo ta, “Abeipa Zisu a ngiapâ la, pachhapa ta na y aw, nâ nata na chhôhkhazy chhaota,” tah ei ta.

HMOTAOPAZY 2:24

Châhrasala ano cha thina ta patu thei vei. Khazohpa ta thina pasa taonazy cha pathlâpa ta, a pathyu haw.

HMOTAOPAZY 2:32

Cha Zisu cha Khazohpa ta pathyu ta, keimo zydua he a pahnotuhpa eima châ.

HMOTAOPAZY 8:36

Lâpi liata ama sie hai nota, ti yna tlô ei ta, hrilyupa ta, “Moh tua, he liata ti a y! Bâti châ awpa ta khâpa ma na pakhâ?” tah ta.

RAWMA 10:10

Palôh ta a ngiapâpa cha thai pachâsapa ta y ta, pakah ta a châhkheipa cha pachhapa ta a y.

RAWMA 14:11

“Ei hrona reipa ta ei reih, Abeipa ta a tah; Pakhu to ei hmiakô liata paneih aw ei ta, Paleih to ta Khazohpa ama reithai aw,” tahpa ropa hawhta.

RAWMA 14:9

Krista cha athihpa nata ahrohpa Beipa châ awpa ta, thi ta a hroh heihpa a châ.

RAWMA 4:24

keimo châta chhao a châ. Athihpa hry tawhta eima Beipa Zisu a pathyutuhpa cha eimâ ngiapâ khiahta cha, keimo chhao mosiapa ta raopa eima châ hra aw.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

1 KAWRINI 12:3

Chavâta he he nama pahno awpa ei khoh: Khazohpa Thlahpa chhihthapa ta bie a reihtuhpa ta, “Zisu cha chhiesapa a châ!” tah beih vei. Ahy hmahta Thlahpa Pathaihpa chhihthana dei leipa ta cha, “Zisu cha Abeipa a châ,” tah thei veih ei.

PHILIPI 2:11

Paw Khazohpa rônah nawpa ta, paleih to ta Zisu Krista cha Abeipa a châ tahpa ama phuah aw.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

1 ZAWHÂNA 4:15

Ahy rai Zisu cha Khazohpa Sawchapawpa a châ tahpa a châkheipa maih cha, ano liata Khazohpa y thlâh ha ta, ano chhao Khazohpa liata a y thlâh ha hra.

2 ZAWHÂNA 1:7

Dôveituhpa hluhpi khizaw liata ama vaw pua haw. Âmo cha Zisu Krista sapa ta â vypa a pyh leipazy ama châ. Cha hawhpa chyhsazy cha dôveituhpa nata Krista dyuhtuhpazy ama châ.