RAWMA 10:6 - Mara Bible RV (BSI)

⁶ Ngiapâna vâta siana deikua ta cha, “Na palôh ta, ‘Vârâh tawhta Krista a zâ chhi awpa ta, ahy ma vârâh lâ a kiah aw?

RAWMA 10:6 ပူးပေါင်းရင်းမြစ်များ

BIESOZY 30:4

Avâ lâ kiah ta a zâ chô heihpa cha ahy ma a châ tly? A ku ta thlih a chahupa cha ahy ma a châ tly? A poh ta ti a chatypa cha ahy ma a châ tly? Khizaw kaokih zydua a paduapa cha ahy ma a châ tly? A moh ahy ma a châ tly? A sawchapawpa moh ahy ma a châ tly? Na pahno mah tâh!

ZAWHÂNA 6:33

Khazohpa viahchhâ cha vârâh tawhta a zupa, khizaw lâta hrona a pietuhpa a châ,” tah ta.

ZAWHÂNA 6:38

Keima khopa tao awpa ta vârâh tawhta a zupa châ leipa na ta, nâ tuahtuhpa khopa tao awpa ta a zupa tlao ei châ.

ZAWHÂNA 6:58

He he vârâh tawhta viahchhâ za chôpa a châ. Pathlatuhpazy ta nie ei ta, ama thi pylypa viahchhâ hawhpa kha châ vei. He viahchhâ a niepa cha chhâzaw ta a hroh aw,” tah ta.

RAWMA 3:22

Cha Khazohpa siana cha, Zisu Krista amâ ngiapâpa vâta ngiapâtuhpa zydua hnohta paluahsapa ta a y. Ananona rai y vei.

RAWMA 3:25

Zisu Krista cha molei reihpha cheina châta a thisaih palo awpa ta Khazohpa ta a raopa châ ta, cha ngiahthaina cha ngiapâna vâta hmô theipa a châ. A nôphana vâta, kha hlâta moleinazy cha, Khazohpa ta pahno lei a pachâ ta, a siana cha a paluahsa haw.

RAWMA 4:13

Ano cha khizaw ryu a to awpa a châna kyh, Abarahâ nata a pathlazy hnohta a vaw tlôpa bietai kha, ryhpa vâta a vaw tlôpa châ leipa ta, ngiapâna ta siana vâta a vaw tlôpa tlao a châ.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.