RAWMA 10:3 - Mara Bible RV (BSI)

³ Khazohpa siana pahno leipa ta, âmo siana a duakhei a chhuah ei ta, Khazohpa siana liata a ngiarih veih ei.

RAWMA 10:3 ပူးပေါင်းရင်းမြစ်များ

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

ZAWBÂ 33:27

Chyhsapa cha chyhsazy hmiakô liata a phuah ta, ‘Hmoparaopa ta biedopa pako na ta, Châhrasala viarithôpa châ va na.

HLAZY 71:19

Hy Khazohpa, na siana nata na hmo­taotheina ta avâ sâhpazy kaw daih ta, Nâ cha hmo rônahpazy a taotuhpa na châ; Hy Khazohpa, nâ hawhpa he ahy ma a y?

ISAI 51:1

“Nâmo, siana a chadaituhpazy saih u, Na nathlie u la; Nâmo, Abeipa a tluatuhpazy saih u, Na nathlie teh u. Ama cha khyna lôpanô lâ moh u la, Ama cha chaona alô thih lâ moh teh u.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ISAI 51:8

Chhoma-u ta chysia a niepa hawhta âmo cha nie aw ta, Alôpa ta sahmi pala a niepa hawhta a nie ha aw ei. Ei siana deikua cha tlyzaw ta y aw ta, Ei pachhana chhao chhâ zydua taihta a y aw.”

ISAI 56:1

Abeipa ta hetana heta a tah: “Ei pachhana vaw tlô daihmâ ha ta, Ei siana â vaw lâ patoh awpa vâta, Adona zyh u la, Siana tao teh u.

ISAI 57:12

Na siana kyh phuahpa ta, Na hmotaopazy reih hraw sah la, Na châta phahnai hlei aw vei.

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

CHAPHÔHTUNA 3:22

Chhawh pathlahpa ta eima y leipa he Abeipa kyhpachâna vâta châ ta, A zawngiahna a chhâ beih leipa vâta a châ.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

THEIHTHAINA 26:41

ama paraonazy vâta ama kho leizie ta hmo tao na ta, ama chariahpazy râh lâta ei chhipa ei kha pahnopa ta, ama pathipalôh chopawtaileipa a panawh ei sala, ama hmo paraona tawhta a taopathi amâ chhuah khiahta cha,

LUKA 10:29

Dâhthaipa cha thaichâ a chhuahpa ta, Zisu hnohta, “Cha khiahta la ei vaih cha ahy maw?” tah ta.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

RAWMA 10:2

Khazohpa châta phahnai amâ ngiah tahpa ei pahnokhei ei. Châhrasala pahno pasia leipa ta phahnai a ngiahpa ama châ.

RAWMA 10:20

Isai chhao ta riahpha ngaitapa ta, “Nâ tlua leipazy ta na hmô ei ta, Nâ pado leipazy ei pahnosa ei,” tahpa ta a vaw reih haw.

RAWMA 11:7

Cha khiahta la, kheihta a châ aw? Izarei ta a tluapa cha hmô leipa ta, atlyhpazy ta hmô ei ta, ahropazy cha kuhchhâpa ta ama y,

RAWMA 3:22

Cha Khazohpa siana cha, Zisu Krista amâ ngiapâpa vâta ngiapâtuhpa zydua hnohta paluahsapa ta a y. Ananona rai y vei.

RAWMA 3:26

Zisu Krista cha mosiapa a châ thei nawpa nata ano ngiapâtuhpa châta thaipachâsatuhpa a châ thei nawpa ta, Khazohpa ta tahmâhlâ daihti liana heta Zisu Krista siana cha a vaw palâsapa a châ.

RAWMA 5:19

Chyhsa pakha reingiah leina vâta chyhsa hluhpi moleipa ama châ hapa hawhta, chyhsa pakha reingiahna vâta chyhsa hluhpi mosiapa ama châ aw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

RYHPACHANEINA 6:25

Bie miah a piepa hawhta, biepiepa zydua he Abeipa eima Khazohpa hmiakô liata pakhâta ta eima tao khiahta cha, eima châta siana a châ aw’ tahpa ta nama chho aw.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.