RAWMA 10:19 - Mara Bible RV (BSI)

¹⁹ Izarei ta pahno vei ma? tahpa ta hiahri heih aw sah la, he kyh liata Mawsi ta, “Phopi ta rei tlâh leipazy hmâpa ta, Nama hia cha patliasa aw ei na ta; Phopi hrupa hmâpa ta, Nama hie ei cha pahâh aw ei,” tahpa ta vaw reih tuachai ta.

RAWMA 10:19 ပူးပေါင်းရင်းမြစ်များ

ZEREMIAH 10:14

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona a y leipa vâta, Ano taopa nothlahpazy cheingei ta, Ngôh daihtuhpa cha nozapa ta ama paysa tyh.

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

HÔSIA 2:23

Cha chanô cha, Ei châta alei liata loh aw na ta, Lôruhâmâ cha ‘Ei kyhpachâpa’ ei tah aw; Lôami chhao ‘Ei phopi na châ’ tah aw na ta, Ano ta, ‘Ei Khazohpa na châ’ eina tah aw.”

RAWMA 10:18

Cha khiahta la, thei ha veih ei ma? tahpa ta hiahrina tao aw sah la, thei cha ama thei haw. “Ama pyu râh to liata pathâh ta, Ama bie kaokih taihta a pathâh,” tahpa ta ropa a châ.

RAWMA 11:11

Cha khiahta la, amâ chapiana cha ama pao pathlah nawpa a châ ma? Châ bao va! Izarei hia patliasa awpa ta, amâ chapiana vâta Zenitaizy lâ pachhana a vaw tlôpa a châ.

RAWMA 11:14

Chatanachata ei chiheih Zu chyhsazy hia patliasapa ta, khazie chhâ ma pachha thei aw veih ei na ma ei tah.

RAWMA 3:26

Zisu Krista cha mosiapa a châ thei nawpa nata ano ngiapâtuhpa châta thaipachâsatuhpa a châ thei nawpa ta, Khazohpa ta tahmâhlâ daihti liana heta Zisu Krista siana cha a vaw palâsapa a châ.

1 KAWRINI 1:12

Ei rei khohpa cha he he a châ. Pakha ta, “Kei Pawla py ei châ,” tah ta, pakha ta, “Kei Apawlôsâ py ei châ,” tah ta, mohropa ta “Kei Kephâ py ei châ,” tah ta, mohropa heih ta, “Kei Krista py ei châ,” nama tah.

1 KAWRINI 10:19

Khâpa ma rei ei chhuah? Nothlahpa lâta atheihna hlâpa cha khâpa hmah châ leipa ta, nothlahpa chhao cha khâpa hmah châ vei, ei tah mâ?

1 KAWRINI 11:22

Khazia! Niedo nawpa o hnei veih ei chi ma? Khazia Khazohpa Awnanopa mohnaopa ta, khâpa hmah hnei leipazy maoh nama paphyuhsa? Nama hnohta khâpa ei reih aw? Ei cha reithai aw ei mâ? Cha reithai tiarâh veih ei na.

1 KAWRINI 12:2

Ngiapâleipa nama châ no kha, nothlahpa reih pathlie thai leipazy lâta a chhipa ta y ei chi ta, lâpi paviasapa ta nama ypa nama pahno.

1 KAWRINI 15:50

Unawh saih u, he bie he ei cha chho ei. Sapa nata thisaih heta Khazohpa khinarâh to thei leipa aw ta, thi theipa heta thi thei leipa to thei aw vei.

1 KAWRINI 7:29

Unawh saih u, ei rei khohpa cha he he a châ: Daihti chyuta y ta, chavâta tahmâ tawhta la, lapinô a hneipazy ta a hnei leipa hawhta y mawh ei sy.

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

1 PITY 2:10

Hlâno ta cha phopi châ leipa ei chi ta, tahmâ deikua cha Khazohpa phopi nama châ haw. Hlâno ta cha zawngiahna hmô leipa ei chi ta, tahmâ deikua cha zawngiahna nama hmô haw.