RAWMA 10:17 - Mara Bible RV (BSI)

¹⁷ Ngiapâna cha theina vâta vaw y ta, theina cha Krista bie vâta a vaw y.

RAWMA 10:17 ပူးပေါင်းရင်းမြစ်များ

ZAWBÂ 42:5

Nah ta cha thei ha na ta, Tahmâ deikua cha ei mo ta ei cha hmô haw.

MÂKA 4:24

Zisu ta ama hnohta, “Nama bie theipa cha pakhâta ta pachâ teh u: nama panuana lilaw ta panuapa châ aw ei chi ta, cha hlâta hluh via chhao ta piepa nama châ aw.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

LUKA 8:11

He he pakhona bie yzie cha a châ: Chi cha Khazohpa bie a châ.

LUKA 8:21

Zisu ta âmo cha a chhy ta, “Khazohpa bie thei ta, a taopazy cha ei nô nata ei unawhzy ama châ,” tah ta.

ZAWHÂNA 1:37

A pachupa pano ta a bie reipa ama thei nahta, Zisu cha zi ha ei ta.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 10:14

Cha khiahta la, amâ ngiapâ leipa cha kheihta ama pado thei aw? Ama thei beih leipa cha kheihta amâ ngiapâ thei aw? Biechhotuhpa y leipa ta kheihta ama thei thei aw.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

KALATIA 3:2

He deita he nâmo tawhta pahno awpa ei khoh: Ryhpa hmotaopazy vâta ma Thlahpa nama to, nama theipa namâ ngiapâpa vâta maw?

KALATIA 3:5

Nama hnohta Thlahpa châ pietuhpa nata nama hry liata hmonoâhpa taotuhpa ta, ryhpa hmotaopazy vâta ma chazy cha a tao? Thei ei chi ta namâ ngiapâ vâta maw?

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

HEBRAI 4:2

Ama hnohta thâtihpha chhopa a châpa hawhta, keimo hnohta chhao chhopa châ ta, châhrasala bie ama theipa cha ngiapâna ta a pa-i leipa vâta, âmo châta phahnaina hnei vei.

1 PITY 1:23

Chi rao theipa liata pihpathipa châ leipa ei chi ta, chi rao thei leipa, Khazohpa bie hroh thlâhpa nata a y thlâh hapa liata a pihpathipazy nama châ.

BIEPHUAH 1:9

Kei, Zawhâna, nama unawhpa nata Zisu liata rietheina nata khinarâh nata tao hualuana kyh liata châ taokheituhpa ei he, Khazohpa bie nata Zisu pahnokheina bie vâta Pâtamô liahpahlô ama tahpa liata y na ta.