RAWMA 10:15 - Mara Bible RV (BSI)

¹⁵ Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.

RAWMA 10:15 ပူးပေါင်းရင်းမြစ်များ

ISAI 40:9

Hy Zaio lâ thâtihpha a tlôkheituhpa y, Tlâh sâhpa lâ khi kiah mah y. Hy Zerusale lâ thâtihpha a tlôkheituhpa y, Hmotaotheina chhaota na ao papua mah y. Chi leipa ta na ao papua la, Zudâh khihpizy hnohta, “Nama Khazohpa he moh teh u!” tah mah y.

ISAI 52:7

Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ZEREMIAH 23:32

“Mâ phichhyhpazy reipa ta hrohsona bie a phuahpazy ei dyuh ei,” Abeipa ta a tah. “Âmo cha ei tua leipa pi tlai ei nata bie ei pie leipa pi tlai ei ta, ama haipa biezy nata amâ palaina biezy ta ei phopi a paviasapazy châ ei ta, he phopi châta phahnaina rai a hnei leipazy ama châ,” Abeipa ta a tah.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

MATHAI 9:38

Chavâta sâh hria awpa ta hriatuhpazy a vaw tuah thei nawpa ta, sâh hria Beipa lâ hiah teh u,” tah ta.

LUKA 10:1

Cha khai tawhta Abeipa ta chyhsa hropa sysari nata pano rao ta, a sie nawpa khih to nata su to liata a hmia lâta pano lymâ ta pasiesa chhielie ta.

LUKA 2:10

Vâlyuhchâpa ta ama hnohta, “Chi khah u la, nathlie teh u, mo to châta thâtihpha lychhih ngaitapa ei cha vaw tlôkheipa ei.

LUKA 2:14

“Khazoh Chônôchaipa hnohta rônahna y sala, Lei chô liata â lypa chyhsazy hnohta thlalôhna y mawh sy!” tah ei ta.

LUKA 8:1

Sathawthupa a châ khai tawhta, Zisu cha biechhopa nata Khazohpa khinarâh thâtihpha phuahpa ta, khihpi nata khitawzy chahryh lymâ ta. Pahrawh hleinozy a hnohta y ei ta,

ZAWHÂNA 20:21

Zisu ta ama hnohta, “Nama chô liata thlalôhna y mawh sy. Paw ta kei eina tuapa hawhta, kei ta nâmo ei cha tuah ei,” tah heih ta.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

HMOTAOPAZY 13:26

“Unawh saih u, Abarahâ pathla sawzy saih u, nama hry liata Khazohpa a chipa zydua saih u, he pachhana bie he keimo hnohta paphaopa eima châ.

HMOTAOPAZY 22:21

Châhrasala Abeipa ta, ‘Sie mah y, lâhlapi ta Zenitaizy lâta ei cha tuah aw,’ na tah ta,” tah ta.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 1:15

Chavâta nâmo, Rawma khih liata a ypazy hnoh chhao ta, thâtihpha cha chho awpa a ngiatiah va na.

RAWMA 15:20

Cha hawhna chata, mohropa lôbô bô chiehpa liata o a sapa ei châ lei nawpa ta, Krista moh pado hana su liata cha thâtihpha chho lei awpa ei chhuah,

EPHESI 2:17

Krista â vy nona khata, nâmo, lâhlapi ta a ypazy hnohta aryhna bie cha chho ei ta, lâhnia liata a ypazy hnohta chhao a cha chho hra ei.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

EPHESI 6:15

Adyhna thâtihpha châta a mâ chiehpa ta ypa ta, nama phei liata adyhna pheiky a ky teh u.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.