RAWMA 10:10 - Mara Bible RV (BSI)

¹⁰ Palôh ta a ngiapâpa cha thai pachâsapa ta y ta, pakah ta a châhkheipa cha pachhapa ta a y.

RAWMA 10:10 ပူးပေါင်းရင်းမြစ်များ

MÂKA 9:23

Zisu ta a hnohta, “‘Na tao thei khiahta la,’ na tah ma! Ngiapâtuhpa châta cha, ato tao theipa a châ,” tah ta.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

HMOTAOPAZY 8:37

Phili ta a hnohta, “Na pathipalôh tlokhuh ta nâ ngiapâ khiahta cha, bâti na châ thei aw,” tah ta. Ano ta, “Zisu Krista cha Khazohpa Sawchapawpa a châ tahpa ei ngiapâ,” tah ta.

RAWMA 10:11

Biehrai ta, “Ahy rai ano a ngiapâpa maih maophyuh aw veih ei,” a tah.

RAWMA 10:9

Na pakah ta, “Zisu cha Abeipa a châ” tahpa ta a châhkhei la, athihpa hry tawhta Khazohpa ta a pathyu tahpa na palôh ta nâ ngiapâ khiahta cha, pachhapa ta na y aw.

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.

1 ZAWHÂNA 4:15

Ahy rai Zisu cha Khazohpa Sawchapawpa a châ tahpa a châkheipa maih cha, ano liata Khazohpa y thlâh ha ta, ano chhao Khazohpa liata a y thlâh ha hra.

BIEPHUAH 2:13

“‘Na pahrâna, Sâtâ beidyuchhai yna ei pahno. Châhrasala ei moh khâchâ patu chi ta, ei bie pahnotuhpa ei chyhsa ngâchhihpa Antipâ kha, Sâtâ pahrâna liata nama hry liata ama thie nona khata, einâ ngiapâna chi a paphasai va chi.