RAWMA 1:9 - Mara Bible RV (BSI)

⁹ Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 1:9 ပူးပေါင်းရင်းမြစ်များ

ZAWBÂ 16:19

Tahmâ chhao he moh teh u, Nâ pahnokheituhpa cha avâ liata y ta, Ei châta a duahpa cha su sâhpa liata a y.

MÂKA 1:1

He he Khazohpa Sawchapawpa Zisu Krista thâtihpha athaona a châ.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

HMOTAOPAZY 12:5

Chavâta Pity cha patâhna o liata paysa chypa châ ta, Awnanopa ta ano châta phahnai khoh ngaitapa ta Khazohpa lâ thlahchhâ ei ta.

HMOTAOPAZY 19:21

Cha khai tawhta, Pawla cha Thlahpa chhihthapa ta Mâsidônia râh nata Akai râhzy chahryh ta, Zerusale lâ sie a chhuah ta, “Cha râhzy ei tlô tawhta, Rawma chhao ei tly awpa a châ,” tah ta.

HMOTAOPAZY 24:14

Châhrasala he bie he na hnohta ei phuah aw. Âmo ta py ama tahpa Lâpi zyhna siezie hawhta miah pathlatuhpazy Khazohpa a chhypa châ na ta, ryhpa nata hrohsopazy châbu liata ropa zydua a ngiapâtuhpa ei châ.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

RAWMA 9:1

Krista liata biehmeiseihpa ei reih, haih va na. Ei chhie nata pha pahnona ta Thlahpa Pathaihpa liata eina pahnokhei.

2 KAWRINI 1:23

Nâ pahnokheituhpa châta Khazohpa ei aw. Nâmo cha patypamâ awpa ei khoh leipa vâta Kawrini khih lâ kha ei vy leipa a châ.

2 KAWRINI 11:31

Abeipa Zisu Krista châta Khazohpa nata Paw a châpa, chhâzaw ta reithaipa Khazohpa ta haipa bie ei rei leizie a pahno.

KALATIA 1:20

Châ ei cha vaw paphaopa ei he haipa bie châ vei tahpa Khazohpa hmiakô liata bie ei taih.

EPHESI 6:18

Thlahchhâna nata hiana to ta khatino rai ta Thlahpa ta thlahchhâ teh u. Cha châna chata a hrohrua u la, mopathaihpa zydua châta bâh leipa ta thlahchhâ teh u.

PHILIPI 1:3

Ei châ theina maih ei ta ei Khazohpa hnohta alyna bie ei reih tyh.

PHILIPI 1:4

Nama zydua châta thlah ei chhâna maihta, thapha ngaitapa ta ei chhâ tyh.

PHILIPI 2:22

Timawthy deikua cha pasiapa châ ta, saw ta a paw a chakaopa hawhta, thâtihpha chhona kyh liata eina chakaolâh tyhpa nama pahno.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

1 THYSALAWNIKA 1:2

Eima thlahchhânazy liata nama moh reipa ta, nama zydua châta Khazohpa hnohta alyna bie khâ eima reih tyh.

1 THYSALAWNIKA 3:10

Nama hmia hmô heih ta, ngiapâna liata namâ phahlanazy cha pazao awpa ta, chhô nah zâ ta phahnai khoh ngaitapa ta thlah eima chhâ lymâ.

1 THYSALAWNIKA 5:17

bâh leipa ta thlahchhâ u la,

1 TIMAWTHY 2:7

Cha châna chata biechhotuhpa nata lyuhchâpa ta raopa châ na ta, biehmeiseihpa nata ngiapâna kyh liata Zenitaizy pachutuhpa ta raopa ei châ. Biedopa ei reih, haih va na.

2 TIMAWTHY 1:3

Ei thlahchhânazy liata chhô nah zâ ta khâ châ thei tyh na ta, nâ pathlatuhpazy taozie hawhta, chhie nata pha pahnona siapa ta ei chakaopa Khazohpa hnohta nâma vâta alyna bie ei reih tyh.

PHILEMAW 1:4

Ei thlahchhânazy liata châ thei tyh na ta, na moh reipa ta ei Khazohpa hnohta alyna bie khâ ei reih tyh.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.