RAWMA 1:3 - Mara Bible RV (BSI)

³ Cha thâtihpha cha a Sawchapawpa, eima Beipa Zisu Krista thâtih châ ta, sapa kyh liata cha Dâvi pathla ta a pihpa a châ.

RAWMA 1:3 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

HLAZY 2:7

Bieraopa ei phuah aw: Abeipa ta ei hnohta, “Ei sawchapawpa châ chi ta, Tanoh he na paw ei châ haw.

ZEREMIAH 33:26

Zakaw chipathlazy nata nâ chakaotuhpa Dâvi chipathlazy cha thy aw ei na ta, a chipathlazy hry liata pakha cha, Abarahâ nata Aisika nata Zakaw chipathlazy chô liata ryureituhpa châta a tlyh aw va na. Chavâta vânoh patosa heih aw ei na ta, zawh ei ngiah heih aw ei.”

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

MATHAI 1:1

He he Zisu Krista thyutôna châbu a châ. Zisu Krista cha Dâvi pathla châ ta, Dâvi cha Abarahâ pathla a châ.

MATHAI 1:16

Zakaw cha Zawsi paw a châ. Zawsi cha Mâri vahpa châ ta, Mâri cha Mesia ama bipa Zisu nô a châ.

MATHAI 1:6

Zese cha Bei Dâvi paw a châ. Dâvi cha Sawlawmaw paw châ ta, Sawlawmaw nô cha Uria lapinô kha a châ.

MATHAI 12:23

Zawpi zydua cha ama noâh ngaita ta, “He he Dâvi Sawchapawpa a châ thei aw ma?” tah ei ta.

MATHAI 15:22

Cha râh liata a ypa Kâna chanô pakha a vy ta, “Hy Abeipa, Dâvi Sawchapawpa, na ngiachhie teh. Ahripa ta ei sawchanô patu ta thata a pasa,” tahpa ta awh ta.

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

MATHAI 27:43

Khazohpa ngâ ta, ‘Khazohpa Sawchapawpa ei châ’ a tah mâh tâh. Khazohpa ta a chô liata â ly tlai khiahta cha, tahmâ pachha bao sa,” tah ei ta.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

MATHAI 9:27

Cha su tawhta Zisu cha sie lymâ ta, mochaopa pano ta ano pazi ei ta, “Dâvi Sawchapawpa, miah ngiachhie teh,” tahpa ta ao paro ngaitapa ta awh ei ta.

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

LUKA 1:69

A chakaotuhpa Dâvi pathla hry tawhta, Pachhana ki miah a chaluahpa haw.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 1:34

Cha cha hmô na ta, ano cha Khazohpa Sawchapawpa a châ tahpa a pahnotuhpa ei châ,” tah ta.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 10:30

Kei nata Paw cha pôhkha eima châ,” tah ta.

ZAWHÂNA 10:36

Paw ta panano ta, khizaw lâ a za tuapa ta, ‘Khazohpa Sawchapawpa ei châ,’ ei tahpa vâta, ‘Khazohpa na reipachhie,’ eina tah ei chi ma?

ZAWHÂNA 20:28

Thawma ta a chhy ta, a hnohta, “Ei Beipa nata ei Khazohpa!” tah ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 5:25

“Hmeiseihta ta, hmeiseihta ta ei cha chho ei, a daihti a vaw tlô daihmâ, tahmâ chhao a vaw tlô haw. Cha tita athihpazy ta Khazohpa Sawchapawpa ao thei aw ei ta, a theipa maih ama hroh aw.

ZAWHÂNA 7:42

Mesia cha Dâvi pathla hry tawhta, Dâvi yna khih Bethlehe tawhta a vaw pua awpa a châ, tahpa ta Biehrai ta reih vei ma?” tah ei ta.

HMOTAOPAZY 2:30

Dâvi kha hrohsopa châ ta, a pathla hry liata pakha cha a beidyuchhai liata a tyuh awpa ta Khazohpa ta bie â taihpa pahno thlâh ha ta.

HMOTAOPAZY 3:13

Abarahâ Khazohpa, Aisika Khazohpa nata Zakaw Khazohpa, miah pathlatuhpazy Khazohpa ta a chakaotuhpa Zisu a parônahsapa a châ hih. Ano cha patusa ei chi ta, Pilâ ta pathlie â chhuahpa chhao ta, Pilâ hmiakô liata namâ paphasai hapa kha a châ.

HMOTAOPAZY 8:36

Lâpi liata ama sie hai nota, ti yna tlô ei ta, hrilyupa ta, “Moh tua, he liata ti a y! Bâti châ awpa ta khâpa ma na pakhâ?” tah ta.

HMOTAOPAZY 9:20

Sawla ta Zisu cha Khazohpa Sawchapawpa a châ tahpa pakhyna ozy liata thlai chho ta.

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 4:1

Cha khiahta la, sapa ryhpa ta miah pathlatuhpa Abarahâ kha, khâpa hmo a hmôpa hawhta ma eima reih aw?

RAWMA 9:3

Ei unawhzy, sapa lâta ei chiheihzy châna heta, kei he chhiesapa ta ypa ta, Krista tawhta chhawh pathlahpa ta y aw sah la ei tah tyh.

RAWMA 9:5

Pathlatuhzy kha ama mapawzy châ ei ta, sapa kyh lâta cha Krista tlai chhao cha, âmo chi tawhta a vaw puapa a châ. Ano cha ato zydua chô liata Khazohpa châ ta, chhâzaw ta reithaipa ta y mawh sy. Amen.

1 KAWRINI 1:9

A Sawchapawpa eima Beipa Zisu Krista akaona liata nâmo châ awtuhpa Khazohpa cha ngâchhihpa a châ.

1 KAWRINI 10:18

Izarei phopi kha pachâ tua u. Atheihna sa a niepazy kha maisâh a hlykheipazy châ veih ei ma?

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

1 TIMAWTHY 2:5

Khazohpa cha pakha deita y ta, Khazohpa nata chyhsazy likah liata lyuhchâpa pakha deita a y. Ano cha chyhsapa ta a pihpa Krista Zisu a châ.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

2 TIMAWTHY 2:8

Ei thâtihpha reipa hawhta, athihpa hry tawhta a thyu heihpa, Dâvi pathla Zisu Krista a thei thlâh ha mah y.

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

1 ZAWHÂNA 3:23

A biepipa cha he he a châ: A Sawchapawpa Zisu Krista moh a ngiapâ ta, bie miah a piepa hawhta kyh a pachâ raihriepa he a châ.

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

1 ZAWHÂNA 4:15

Ahy rai Zisu cha Khazohpa Sawchapawpa a châ tahpa a châkheipa maih cha, ano liata Khazohpa y thlâh ha ta, ano chhao Khazohpa liata a y thlâh ha hra.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

1 ZAWHÂNA 5:5

Zisu he Khazohpa Sawchapawpa a châ tahpa a ngiapâtuhpa dei leipa ta cha, ahy ma khizaw a tiah thei tly?

2 ZAWHÂNA 1:7

Dôveituhpa hluhpi khizaw liata ama vaw pua haw. Âmo cha Zisu Krista sapa ta â vypa a pyh leipazy ama châ. Cha hawhpa chyhsazy cha dôveituhpa nata Krista dyuhtuhpazy ama châ.

BIEPHUAH 2:18

“Thiatirâ Awnanopa vâlyuhchâpa hnohta hetana heta roh teh: ‘Khazohpa Sawchapawpa, meipaleih hawhpa mokhaoh a hneipa, a pheipazah dawh patliepa a lyupa khata he biezy he a reih.