RAWMA 1:28 - Mara Bible RV (BSI)

²⁸ Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 1:28 ပူးပေါင်းရင်းမြစ်များ

ÂTHAONA 6:5

Alei chô liata chyhsapa cha thata vaw molei ta, a palôh phaozie chhao, khatino rai ta moleina lâ a heihpa a châzie Abeipa ta hmô ta.

2 SAMUELA 22:27

Pathaihpa hnohta na pathaihna palâsa chi ta, Piehpiepa cha a piehpiena hawhta na hrie tyh.

HLAZY 69:27

Ama chô liata hriena baichha lymâ la, Âmo cha na siana liata pangiasa khah y.

BIESOZY 1:22

“Nâmo sona a phahlapazy saih u, So leipa ta ypa he khachâ ma nama pasô chy aw tly? Pasipasawh a thaipazy ta khachâ ma chyhsa pasipasawhpa paphasa aw ei ta, Ahrupazy ta khachâ ma pahnona amâ hao aw tly?

BIESOZY 1:29

Pahnona a hao ei ta, Abeipa china a tlyh leipa ei ta,

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

BIESOZY 17:16

Ahrupa cha palôh a hnei leipa châ ta, Chavâta sona chalei nawpa ta a ku liata sôh sopa cha, Khâpa ma a phahnai aw?

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 6:30

Abeipa ta a dytha hapa vâ ei ta, Tâkâ sôh leipa tahpa ama châ aw.”

ZEREMIAH 9:6

Tlybaina chô liata tlybaina hropa pacho thlu ei ta, Dôveina chô liata dôveina hropa ama pacho thlu; Kei na pahno khoh veih ei,” Abeipa ta a tah.

EZEKIA 14:5

Chatanachata ama khazoh nothlahpazy vâta lôh hro nâ phaosai hapa Izarei pathlazy pathipalôh cha ei patu heih thei ngyu aw.’

EZEKIA 20:25

Cha dei châ vei, bieraopa pha leipazy nata hrona ama hnei lei nawpa ryhpazy lâta âmo cha hlâ ei na ta,

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

HMOTAOPAZY 17:23

Ei chareina liata, namâ chhypazy moh na ta, maisâh miakha, a chô liata, ‘Pahno leipa Khazohpa châta,’ tahpa ropa ei hmô. Pahno leipa ta namâ chhy tyhpa, cha Khazohpa thâtih cha ei cha vaw chho ei.

HMOTAOPAZY 17:32

Athihpa thyuheihna kyh ama thei nahta, thokha ta pahneisao ei ta, ahropazy ta, “Cha kyh cha nâma tawhta eima nathlie heih aw,” tah ei ta.

RAWMA 1:18

Khazohpa a pachâ leipa nata chyhsa sia leipa zydua chô liata Khazohpa pathiiana avâ tawhta a zâ luah. Âmo cha ama sialeina vâta biehmeiseihpa a pakhâtuhpazy ama châ.

RAWMA 1:21

Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.

RAWMA 1:24

Chavâta ama pôhpa nozachhih ngaitapa ta a tao raihrie awpa ta, ama pathipalôh aohraohna hawhta hmo puapa tao awpa ta Khazohpa ta â heihsai ha ei.

RAWMA 1:26

Cha vâna chata Khazohpa ta nozachhih ngaitapa ta sihryh awpa ta âmo cha â heihsai ha ei. Ama chanôzy ta chanô chapaw châna hmâzie tyhpa siesaipa ta, hmâzie lei awpa ta hmâh ei ta.

1 KAWRINI 15:34

Siana lâta a hra u la, molei khao khuh vy. Thokha cha Khazohpa pahnona rai hnei veih ei chi. Nama maophyuh nawpa ta he bie he ei reih.

2 KAWRINI 10:5

Aeichhiana nata pachâna sâhpa hmâpa ta Khazohpa pahnona pakhâ achhuahnazy parao pi ta, pachâna to rai Krista reingiahna lâta eimâ chhi tyh.

EPHESI 5:4

Bie puapa reipa zy, bie hrupa reipa zy, saiso pathaih leipa bie reipa zy a ngia vei. Chazy taopa hlâta cha alyna bie tlao reih tyh muh vy.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

2 TIMAWTHY 3:8

Zane nata Zambare ta Mawsi amâ dyuhpa hawhna khata, cha chyhsazy ta biehmeiseihpa amâ dyuh tyh. Palôh moleipa, ngiapâna kyh liata tloh leipa ama châ.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

PHILEMAW 1:8

Cha vâna chata, â ngiahpa hmo tao awpa bie cha pie awpa ta, Krista liata cha ngâh thlâh hraw sah la,

2 PITY 3:5

Avâzy he Khazohpa bie ta hlâno tawhta a ypa a châzie nata alei chhao ti tawhta nata ti hry liata a vaw ypa a châzie pahno lei a pachâ raruah ei ta,