RAWMA 1:16 - Mara Bible RV (BSI)

¹⁶ Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 1:16 ပူးပေါင်းရင်းမြစ်များ

HLAZY 110:2

Abeipa ta Zaio tawhta na thatlôna chôchahrei vaw tuah sala, Na chariahpazy hry liata ryureih mah y!

HLAZY 119:46

Beizy hmiakô liata na bieraopazy reih aw na ta, Hmia pachhiepa châ aw va na;

ISAI 53:1

Ahy ma keimo tawhta bie a theipa a ngiapâ ta, Ahy hnohta ma Abeipa bâh phualuahpa a châ tly?

ZEREMIAH 23:29

“Ei bie cha mei hawhta châ ta, lôpanô a pakeichheih khai theipa syulô hawhta châ vei ma?” Abeipa ta a tah.

MÂKA 8:38

Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.

LUKA 9:26

Ahy rai kei nata ei biezy a zakheipa cha, Chyhsa Sawchapawpa ta a rônahna chhaota nata a Paw rônahna nata a vâlyuhchâpa pathaihpazy rônahna chhaota â zu tita, ano cha a zakhei hra aw.

ZAWHÂNA 7:35

Zuzy cha âmo nata âmo ta, “Eima hmô thei lei nawpa ta, he chyhsa he khataih lâ ma a sie aw tly? Krikâh chyhsa paipatlapazy lâ siepa ta, Krikâh mo pachu â chhuahpa ma a châ tly?

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

RAWMA 10:17

Ngiapâna cha theina vâta vaw y ta, theina cha Krista bie vâta a vaw y.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

RAWMA 15:29

Nâmo lâ ei vy tita, Krista byhnâ kipa chhaota ei vy aw tahpa ei pahno.

RAWMA 2:9

Moleina a taopa chyhsa to chô liata rietheipasana nata pachârôhna vaw tlô aw ta, Zu chyhsa chô liata tlô tua aw ta, Krikâh chyhsa chô liata chhao a tlô aw.

RAWMA 4:11

Chopawtaileipa a châ nota, mosiapa a châna pa-i nawpa ta, chopawtaipa ngiana cha ngiapâna ta hmô ta. Cha chata â chhuahpa cha, chopawtaileipa zydua paw ta tao ta, âmo chhao mosiapa ta raopa ama châ thei nawpa ta a châ.

1 KAWRINI 15:2

Bie ei cha chhopa ei kha, namâ ngiapâ thlâhthlipa châ leipa ta, khâchâ nama patu khiahta cha, cha liana chata pachha haipa ta nama y.

1 KAWRINI 2:2

Zisu Krista nata khaipâpa ta a ypa kyh dei leipa cha, nama hry liata khâpa hmah pahno a chhuah va na.

1 KAWRINI 2:4

Ei biereipa nata ei biechhopazy kha, chyhsa sona hmâpa ta pahnie a chhuahpa biezy châ leipa ta, Thlahpa nata hmotaotheina palâsapa ta ei reih tyhpa a châ.

1 KAWRINI 9:12

Mohropazy hmahta chyh awpa ama châ hnaw khiahta cha, keimo chhochhi cha châ hnaw via pachai awpa châ ma pi ma? Châhrasala keimo la, cha tovyuh cha a hnaw ma pi. Krista thâtihpha eima pakhâpadie lei nawpa ta, riethei to tlao eima tao lylia.

1 KAWRINI 9:18

Cha khiahta la, ei lymâ cha khâpa a châ aw? Thâtihpha ei chhopa vâta tovyuh ei hnaw theipazy a hnaw leipa ta, hlao leipa ta thâtihpha ei chho theipa he ei lymâ cha a châ.

2 KAWRINI 2:12

Krista thâtihpha chho awpa ta Tarôsa khih ei vaw tlô nona kha, Abeipa ta ochhi na pahypa ta.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 KAWRINI 9:13

Cha chakaona cha, Krista thâtihpha namâ pyhpa vâta, Zerusale liata mopathaihpazy châta nata mohropazy châta riapha ngaitapa ta nama thyupa a châzie ama pahno tita, Khazohpa ama palyupalih aw.

KALATIA 1:7

Thâtihpha hropa y vei. Krista thâtihpha panano ta, cha patypamâ a chhuahpazy ama châ.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

1 TIMAWTHY 1:11

Cha ryhpa cha reithai tlâh Khazohpa thâtihpha rônahpa, kei liata pavaosapa nata â hmiepa ta taopa a châ.

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

2 TIMAWTHY 1:16

Abeipa ta Ônesiphôrâ chhôhkhazy hnohta zawngiahna pie mawh sy. Ano cha ei hro na pathieh heih tyh ta, ei bâlia a kypazy he na zakhei vei.

2 TIMAWTHY 1:8

Chavâta eima Beipa bie pahnotuhpa châpa cha zakhei khah y. Kei ano vâta atâhpa chhao he na zakhei hra leipa la, Khazohpa hmotaotheina ta thâtihpha châta pasa tlao na taokhei mah y.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

1 PITY 4:16

Krizyhpa a châpa vâta pasa a taopa cha, a noza leipa sala, Krista moh ta Khazohpa tlao palyupalih mawh sy.