RAWMA 1:14 - Mara Bible RV (BSI)

¹⁴ Krikâh mo nata mohropazy, asopa nata ahrupazy liata a bâhpa ei hnei.

RAWMA 1:14 ပူးပေါင်းရင်းမြစ်များ

BIESOZY 1:22

“Nâmo sona a phahlapazy saih u, So leipa ta ypa he khachâ ma nama pasô chy aw tly? Pasipasawh a thaipazy ta khachâ ma chyhsa pasipasawhpa paphasa aw ei ta, Ahrupazy ta khachâ ma pahnona amâ hao aw tly?

BIESOZY 8:5

Hy nâmo, sona a phahlapazy saih u, Sona a chu u la; Nâmo, ahrupazy saih u, Pahnona a chu teh u.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

LUKA 10:21

Cha dawh liata Zisu cha Thlahpa Pathaihpa liata a ly ngaita ta, “Hy ei Paw, alei nata avâ Beipa, ei châ ly ngaita na. He hmozy he chyhsa sopa nata novâhpazy liata nyu chi ta, hawtizy hnohta tlao na phualuah. A châ na, ei Paw, cha hawhta tao awpa cha, nâ lyna châ tlôh ta.

HMOTAOPAZY 22:21

Châhrasala Abeipa ta, ‘Sie mah y, lâhlapi ta Zenitaizy lâta ei cha tuah aw,’ na tah ta,” tah ta.

HMOTAOPAZY 28:2

Cha liahpahlô chyhsazy chata miah ngiachhie ngaita ei ta. Avâ suah pathao ha ta a chasi kawpa vâta, mei patih ei ta, eima zydua ta miah a vaw ly ei ta.

HMOTAOPAZY 28:4

Cha râh chyhsazy ta parih a ku liata â bangieh thlâh hapa ama hmô nahta, “He chyhsa he lianycheihpa a châ tlai aw. Tilaipi tawhta pua hra sala, ryureina dopa ta a hroh awpa pasaih pyly vei,” tah ei ta.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 1:22

Chyhsa sopa hawhta a reih ei ta, ahrupa lâta ama pua haw.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

RAWMA 13:8

Kyh a pachâ raihriena dei leipa ta cha, ahy hmah khâpa hmah a bâh khuh vy. A chyhsa heih kyh pachâtuhpa cha ryhpa a pakipa a châ.

RAWMA 16:19

Khazohpa bie a zyhpa nama châzie cha mo to pahnopa a châ. Chavâta nama chô liata ei ly ngaita. Hmo phapa lâta so u la, moleina lâta deikua cha, a so leipa nama châ awpa ei khoh.

RAWMA 8:12

Chavâta unawh saih u, a bâhpa eima hnei. Sapa liata leibâh deikua châ vei, sapa khozie hawhta hrona liata leibâh châ hra vei.

1 KAWRINI 14:11

Châhrasala a reih yzie ei pahno tlôh leipa khiahta cha, cha reih a cheihpa châta kei cha chihropa châ aw na ta, ano chhao kei châta chihropa a châ aw.

1 KAWRINI 14:16

Na thlahpa ta alyna bie na reih khiahta cha, reihtheileipa hmopiepa a to leipa ta na biereipa pahno leipa aw ta, kheihta ma alyna bie na reipa cha “Amen” a tah thei aw?

1 KAWRINI 2:13

Chyhsapa sona ta pachu tyhpa hawhta biezy pachu leipa pi ta, Thlahpa ta miah a pachupa hawhta pachu pi ta, thlahpa biehmeiseihpazy cha thlahpa chyhsazy châta eima chhopasia tyh.

1 KAWRINI 3:18

Ahy hmahta anosasyh ta a dôvei khah sy. Nama hry liata ahy rai, he chhâ liata a so kawpa hawhta â pachâ khiahta cha, a vaw so thei nawpa ta ahrupa lâta a lie mawh sy.

2 KAWRINI 10:12

Âmosasyh a rei paphapa thokhazy cha a rei pâ ngâh leipa pi ta, a pakho ngâh hra ma pi. Châhrasala a thlie raihrie ei ta, amâ pakho tyhpa deikua he cha, novâhna amâ phahlazie a palâsa.

2 KAWRINI 11:19

Nâmo la asopa nama châpa vâta, ahrupazy chhao palôh pha kawpa ta nama chhyh thai!

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.

2 TIMAWTHY 2:10

Chavâta atlyhpazy ta Krista Zisu liata a ypa pachhana cha, chhâzaw rônahna chhaota ama hmô thei nawpa ta, âmo châta ato pasa ei tao lylia.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.