RAWMA 1:12 - Mara Bible RV (BSI)

¹² Chatanachata namâ ngiapâna nata ei ngiapâna hmâpa ta, eimâ ngiapâna tha eimâ patlô raihrie thei aw.

RAWMA 1:12 ပူးပေါင်းရင်းမြစ်များ

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

RAWMA 1:11

Nama pachyu thei nawpa ta Thlahpa hmopiepa cha pahneisa awpa ei ta, nâmo châ hmô awpa ei khoh ngaita.

RAWMA 1:13

Unawh saih u, nâmo nata Zenitai hropazy hry liata theilâpa hmô awpa ta, cha vaw tly awpa ei a chhuah tyh na ta, châhrasala pakhâna a y chhyh hapa kyh nama pahno lei awpa khoh va na.

RAWMA 15:24

Spânia râh lâ ei siena liata nâmo châ vaw hmô pâ awpa ei chhuah. Chatanachata nama hnohta a pahlaopa ta buakha chhôh a lypa ta y aw na ta, cha khai tawhta ei khitlyna liata chhao eina deichhy thei awpa ei chi ta ei hnabei a seih.

RAWMA 15:32

Chatanachata Khazohpa khozie hawhta a ly kawpa ta nâmo lâ a vy aw na ta, nama hnohta a pahlaopa ta tha eina patlô thei aw ei chi.

2 KAWRINI 7:13

Chavâta thlalôhpa ta eima y. Keimo thlalôhpa dei châ vei. Nâmo vâta Titu thlahpa cha pathiehpa ta a ypa vâta, Titu alyna liata eimâ ly pachai.

EPHESI 4:5

Abeipa pakha, ngiapâna miakha, bâtina miakha nata

2 TIMAWTHY 1:4

Na mothlihzy kha a thei thlâh ha na ta, alyna ta biepa ta ei y thei nawpa ta, cha hmô awpa ei khoh ngaita.

TITU 1:4

ngiapâna miakhapa liata ei saw hmeiseihpa Titu ei châ naoh. Paw Khazohpa nata Krista Zisu miah Pachhatuhpa tawhta ngiachhiena nata thlalôhna na hnohta y mawh sy.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

2 ZAWHÂNA 1:4

Paw ta bie miah a piepa hawhta, na saw thokhazy biehmeiseihpa liata ama ypa hmô na ta, eina palysa ngaita.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.