RAWMA 1:11 - Mara Bible RV (BSI)

¹¹ Nama pachyu thei nawpa ta Thlahpa hmopiepa cha pahneisa awpa ei ta, nâmo châ hmô awpa ei khoh ngaita.

RAWMA 1:11 ပူးပေါင်းရင်းမြစ်များ

ÂTHAONA 31:30

Na paw o na vâ ngaitapa vâta na sie hapa chhao ta, khazia ei khazohzy eina parupa chi?” tah ta.

2 SAMUELA 13:39

Bei Dâvi cha Amanaw a thi tawhta a zyh zyh ta thlah vaw lôh laih ta. Absalaw cha vâ pathao ta, ano lâ sie awpa khoh kaw ta.

2 SAMUELA 23:15

Dâvi cha a dâhphi kaw ta, “Aw, Bethlehe liata tikhaoh ti, thokhy chhikao kiapâh liatapa kha doh awpa ta nâ piepa ama y mawh sala ei tah kaw dia!” tah ta.

2 THÂTIHZYRONA 20:20

A mylâ mydi kari ta thyu ei ta, Tekô râhchawhpa lâ sie ei ta. Ama sie hai nota, Zehôsaphâ cha a duah ta, “Hy Zudâh pathla nata Zerusale khihsawzy saih u, na nathlie teh u! Abeipa nama Khazohpa cha zo u la, â ipa ta namâ duah thei aw. A hrohsopazy zo u la, nama hlao a tloh aw,” tah ta.

HMOTAOPAZY 16:5

Chatanachata Awnanopazy cha ngiapâna liata thapatlôpa ta y ei ta, noh charei ta pôh via lymâ ei ta.

HMOTAOPAZY 19:21

Cha khai tawhta, Pawla cha Thlahpa chhihthapa ta Mâsidônia râh nata Akai râhzy chahryh ta, Zerusale lâ sie a chhuah ta, “Cha râhzy ei tlô tawhta, Rawma chhao ei tly awpa a châ,” tah ta.

HMOTAOPAZY 19:6

Pawla ta ama chô liata a ku a pahnieh nahta, Thlahpa Pathaihpa ama chô liata vaw tlô ta, reih hropazy ta bie reih ei ta, hrohsona biezy phuah ei ta.

RAWMA 1:12

Chatanachata namâ ngiapâna nata ei ngiapâna hmâpa ta, eimâ ngiapâna tha eimâ patlô raihrie thei aw.

RAWMA 15:23

Tahmâ deikua cha, he râhzy liana heta hria nawpa su hropa hnei khao leipa na ta, kô hluhpi chhôh nâmo cha vaw tly khohna ei vaw hnei tyhpa vâta,

RAWMA 15:29

Nâmo lâ ei vy tita, Krista byhnâ kipa chhaota ei vy aw tahpa ei pahno.

RAWMA 15:32

Chatanachata Khazohpa khozie hawhta a ly kawpa ta nâmo lâ a vy aw na ta, nama hnohta a pahlaopa ta tha eina patlô thei aw ei chi.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

2 KAWRINI 1:15

Cha kyh liata ei sia thlâh hapa vâta, ngiachhiena a lie no ta nama to thei nawpa ta, nâmo lâ a vy tua awpa ei chhuah.

2 KAWRINI 1:21

Krista liata nâmo nata hmaohkha ta miah a paduapa nata sathaw miah a thupa cha, Khazohpa ano tlai a châ.

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

2 KAWRINI 9:14

Nama chô liata Khazohpa ngiachhiena rônahpa vâta, Zerusale liata mopathaihpazy ta cha vâ kaw aw ei ta, thlah ama chhâpa tyh aw.

PHILIPI 1:8

Zisu Krista liata atlaichhaina ta nama zydua ei cha vânazie ei cha, Khazohpa ta eina pahnokhei.

PHILIPI 2:26

Nama zydua ta cha vâ ngaita ei ta, a pasapa kyh nama vaw theipa vâta a palôh pha thai khao vei.

PHILIPI 4:1

Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

1 THYSALAWNIKA 3:2

Chatanachata Krista thâtihpha liata eima unawhpa nata Khazohpa eima chakaolâhpa Timawthy cha, namâ ngiapâna pa-i awpa nata tha cha patlô awpa ei ta eima vaw tuah.

2 THYSALAWNIKA 2:17

nama palôhzy thlah cha palôh ei sala, raihria phapa nata bie phapa to châta cha padua mawh ei sy.

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 PITY 5:12

Unawh ngâchhihpa ta ei pachâpa Silvanâ baona ta nâmo lâ pasyuna châ chyuta vaw roh na ta, cha cha Khazohpa ngiachhiena hmeiseihpa a châ tahpa ei reih. Cha liana chata â ipa ta a duah muh vy.

2 PITY 1:12

Chavâta cha hmozy cha pahnopa ta, biehmeiseihpa nama hneipa liata namâ i ha tarawpa ta, cha chânazy cha cha pahnosa chanei tyh awpa ei, ei chhuah.