RAWMA 1:1 - Mara Bible RV (BSI)

¹ Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

RAWMA 1:1 ပူးပေါင်းရင်းမြစ်များ

1 THÂTIHZYRONA 23:13

Amrâ sawchapawzy cha Arawna nata Mawsi ama châ. Arawna cha hmo pathaihpazy hria awpa ta pananopa châ ta, ano nata a pathlazy cha ropahâhpazy Abeipa hmiakô liata a rao tyh awpazy châ ei ta, Abeipa chakaopa ta, a moh ta byhnâ a aw tyh awpazy ama châ.

ISAI 49:1

Hy tilaipi kiah râhzy saih u, Na nathlie u la; Nâmo, lâhlapi liata phopizy saih u, Nama nah pachôh teh u. Abeipa ta chhi tawhta na aw ta, Ei nô py chhôh tawhta ei moh eina bi.

ZEREMIAH 1:5

“Py chhôh liata ei cha tao hlâ tawhta cha pahno na ta, Chhi tawhta na pua hlâ tawhta cha pathaisapa ta, Phopizy lâta hrohsopa ta ei cha rao,” tah ta.

MÂKA 1:14

Zawhâna ama patu tawhta, Zisu cha Kâlili lâ a vy ta. Khazohpa Thâtihpha chho ta,

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

ZAWHÂNA 15:15

Chakaotuhpa cha tah khao aw veih ei na. Chakaotuhpa ta a zibeipa hmotaopa pahno vei. Viasazy tlao ei cha tah ei. Paw tawhta hmo ei pahnopa zydua nama hnohta ei phuah khai haw.

ZAWHÂNA 15:20

‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

HMOTAOPAZY 13:9

Sawla, Pawla ama tah hrapa cha, Thlahpa Pathaihpa ta biepa ta, dyuthaipa cha moh pahroh ta,

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:40

A paryhsa nahta, Pawla cha kahmi liata a duah ta, zawpi a chalih awpa ta a ku ta thliethlâ ta, amâ chalihpa nahta, Hebrai reih ta ama hnohta bie reih ta.

HMOTAOPAZY 22:21

Châhrasala Abeipa ta, ‘Sie mah y, lâhlapi ta Zenitaizy lâta ei cha tuah aw,’ na tah ta,” tah ta.

HMOTAOPAZY 22:7

Alei liata pao na ta, ei hnohta, ‘Sawla, Sawla khazia eina taola chi?’ tahpa ao thei na ta.

HMOTAOPAZY 26:1

Akripâ ta Pawla hnohta, “Na thaichâna bie na reih thei,” tah ta. Pawla cha a ku pazawh ta, a thaichâna bie reih ta.

HMOTAOPAZY 26:14

Eima zydua ta alei liata pao pi ta, Hebrai reih ta, ‘Sawla, Sawla, khazia eina taola chi? Chôchahrei pazaopa chapiepa cha na châta a pasa kaw mâh tâh,’ eina tahpa ao thei na ta.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 11:13

Tahmâ nâmo, Zenitaizy hnohta ei reih. Zenitaizy lyuhchâpa ei châpa he, rônah ei tah ngaita.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

RAWMA 15:29

Nâmo lâ ei vy tita, Krista byhnâ kipa chhaota ei vy aw tahpa ei pahno.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

1 KAWRINI 1:1

Pawla, Khazohpa khozie ta Krista Zisu lyuhchâpa ta awpa nata eima unawhpa Sôsthene ta

1 KAWRINI 9:1

Khotalaipa châ va na mâ? Lyuhchâpa châ va na mâ? Eima Beipa Zisu hmô ha va na mâ? Nâmo cha Abeipa liata ei raihria theilâpa châ veih ei chi mâ?

2 KAWRINI 1:1

Pawla, Khazohpa khozie ta Krista Zisu lyuhchâpa nata eima unawhpa Timawthy ta Kawrini khih liata Khazohpa Awnanopa nata Akai râh liata mopathaihpazy eima châ naoh.

2 KAWRINI 11:5

Lyuhchâpa laipa nama tahpazy hlâta nawh viapa hawhta a pachâ va na.

2 KAWRINI 11:7

Thâtihpha a saipa ta cha chho ei na ta, palyupalihpa ta nama y thei nawpa ta, keimasasyh ta ei panawhpa cha, moleina hmo a taopa ei châ rai ma?

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.

2 KAWRINI 2:12

Krista thâtihpha chho awpa ta Tarôsa khih ei vaw tlô nona kha, Abeipa ta ochhi na pahypa ta.

2 KAWRINI 4:5

Keimo thâtih chho leipa pi ta, Zisu Krista cha Abeipa a châ tahpa chho pi ta, keimo chhao Zisu vâta nâmo châ chakaotuhpazy eima châpa eima chho tyh.

KALATIA 1:1

Kei, lyuhchâpa Pawla, chyhsa tuapa châ leipa ta, chyhsa zawhzi ta châ hra leipa ta, Zisu Krista nata thina tawhta Zisu a pathyutuhpa Paw Khazohpa zawhzi ta lyuhchâpa rai a hriapa nata

EPHESI 1:1

Pawla, Khazohpa khozie hawhta Krista Zisu lyuhchâpa ta Ephesi khih liata mopathaihpazy nata Krista Zisu liata ngâchhihpazy ei châ naoh ei.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 4:11

Chatanachata thokha lyuhchâpa châ awpa ta, thokha hrohsopa châ awpa ta, thokha biechhotuhpa châ awpa ta, thokha mietaku vaituhpa châ awpa nata thokha pachutuhpa châ awpa ta Krista ta a rao ei.

RYHPACHANEINA 10:8

Cha daihti liata Abeipa ta Livai chizy cha Abeipa Biehrai Byh a sy awpa nata Abeipa hmiakô liata a duah ta ano chakao awpa nata a moh ta byhnâ a awtuhpa châ awpa ta panano ta, tanoh taihta cha hawhta ama hria lymâ.

PHILIPI 1:1

Pawla nata Timawthy, Krista Zisu chakaotuhpazy ta Philipi khih liata a ypa Krista Zisu liata mopathaihpazy, Awnanopa chhituhpazy nata chakaotuhpazy eima châ naoh.

PHILIPI 2:11

Paw Khazohpa rônah nawpa ta, paleih to ta Zisu Krista cha Abeipa a châ tahpa ama phuah aw.

KAOLAOSÂ 1:1

Khazohpa khozie hawhta Krista Zisu lyuhchâpa Pawla nata eima unawhpa Timawthy ta

KAOLAOSÂ 1:25

Khazohpa bie â kipa ta ei cha chho thei nawpa ei ta, nâmo mohôhna raihria Khazohpa ta eina piepa lymâ hawhta, Awnanopa chakaotuhpa ta taopa ei châ.

1 THYSALAWNIKA 2:2

Nama pahnopa hawhta, Philipi khih liata riethei taopa ta nata maoh paphyuhsapa ta eima ypa chhao khata, eima Khazohpa ta riahphana miah pie ta, pakhâpadiena hluhpi hry liata nama hnohta Khazohpa thâtihpha eima cha vaw chho.

1 THYSALAWNIKA 2:8

Eima pasôpa nata kho ngaitapa nama vaw châ hapa vâta, Khazohpa thâtihpha dei châ leipa ta, eima hrona chhao taih cha pie awpa ta eimâ mâ thlâh hapa kha.

1 THYSALAWNIKA 2:9

Unawh saih u, eima hriapasazie nata eima rietheizie zy kha namâ thei aw. Khazohpa thâtihpha eima cha chho nona kha, ahy phaohri hmah eima châ lei nawpa ta, chhô nah zâ ta eima hria tyh.

1 TIMAWTHY 1:1

Kei, Pawla, Khazohpa miah Pachhatuhpa nata Krista Zisu eima hnabeiseihna biepiepa hawhta Krista Zisu lyuhchâpa ta

1 TIMAWTHY 2:7

Cha châna chata biechhotuhpa nata lyuhchâpa ta raopa châ na ta, biehmeiseihpa nata ngiapâna kyh liata Zenitaizy pachutuhpa ta raopa ei châ. Biedopa ei reih, haih va na.

2 TIMAWTHY 1:11

Cha thâtihpha châta biechhotuhpa nata lyuhchâpa nata pachutuhpa ta raopa ei châ.

TITU 1:1

Kei, Pawla he Khazohpa ta â tlyhpa chyhsazy angiapâna châta nata Khazohpa pachâna lâ a chhihthapa biehmeiseihpa pahnona châta Khazohpa chakaotuhpa nata Zisu Krista lyuhchâpa ei châ.

HEBRAI 5:4

Cha palyupalihna cha ahy hmahta anosasyh ta a patosa thei vei. Arawna hawhta Khazohpa ta a awpa a châ khiah dei ta a to thei.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.

BIEPHUAH 1:1

He he Zisu Krista ta a chakaotuhpazy hnohta hmo thlai a vaw tlô awpazy a pahnosa thei nawpa ta, Khazohpa ta a hnoh ta a piepa biephuah a châ. Cha biezy cha Krista ta a vâlyuhchâpa tuah ta, a chakaotuhpa Zawhâna hnohta a vaw pahnosa.

BIEPHUAH 22:6

Chatawhcha vâlyuhchâpa ta, “He biezy he ngâchhih ta â do. Abeipa, hrohsopazy thlahpa Khazohpa ta hmo thlai a vaw tlô awpazy cha a chakaotuhpazy pahmô awpa ta a vâlyuhchâpa a vaw tuah,” tahpa ta na chho ta.

BIEPHUAH 22:9

Châhrasala ano ta ei hnohta, “Khata tao khah y! Kei cha nâ nata na unawhpa hrohsopazy nata he châbu biezy a pyhtuhpazy chakaolâhpa mah ei châ tâh. Khazohpa tlao a chhy teh,” na tah ta.