PUASAINA 9:3 - Mara Bible RV (BSI)

³ moh teh, Abeipa ku ta lyu liata na sahrohzy chô liata potlana ru ngaitapa patlathlusa aw ta, arâzy, alâzy, râraoseihpazy, viahchao hrizy nata mietaku zawzy ama thi khai aw.

PUASAINA 9:3 ပူးပေါင်းရင်းမြစ်များ

ÂTHAONA 47:17

Chatanachata ama sahrohzy cha Zawsi lâ a chhi ei ta, Zawsi ta ama arâzy, mietaku zawzy, viahchao hrizy nata alâzy mâ châta âmo cha sâh pie lymâ ta. Cha kô liata, ama sahroh zydua mâ châta âmo cha sâh pie ta.

HLAZY 39:10

Ei hmahphaopa he na lapa ha mah y, Na kupathlana vâta ei rao khai ha hih.

PUASAINA 5:3

Âmo ta, “Hebraizy Khazohpa ta miah za tly ha ta, chavâta Khazohpa lâ eimâ theih thei nawpa ta, ngiachhiepa ta noh thôh lâsie râhchawhpa lâ miah pasiesa mah y. Chataleipatala potlana ta tlyma, zaozi ta tlyma, miah a hrie pathlei aw,” tah ei ta.

PUASAINA 7:4

Chavâta Phiraoh ta cha nathlie aw veih ei. Chatanachata Izi râh chô liata ei ku pahnieh aw na ta, pachiana rônahpa ta ei pheisaihzy, ei phopi Izarei sawzy he Izi râh tawhta ei chhi papua aw ei.

PUASAINA 8:19

Moliethaipazy ta Phiraoh hnohta, “Khazohpa kudy a châ hih,” tah ei ta. Châhrasala Phiraoh cha a palôh kuh pachhasa ta, Abeipa ta a rei hapa hawhta, ama bie nathlie khoh vei.

AMÔSÂ 4:10

“Izi râh liata ei taopa hawhna khata, Nama hry liata hri vaw tuah na ta; Nama satliazy zaozi ta thie ei na ta, Nama arâzy ei siekhei ha ei; Nama hnapasu a chahu awpa taihta, Nama riehmo cha thu roh ta ei pabie; Chatanachôta kei lâ vaw kua veih ei chi,” Abeipa ta a tah.

HMOTAOPAZY 13:11

Chavâta tahmâ moh teh, Abeipa ku na chô liata tla ha ta, na mo chao aw ta, daihti khasâ chhôh ma cha noh khaihpa hmô aw va chi,” tah ta. Ameih nata zohna ta thlai vaw khu ta, chaaotuhpa tluapa ta pathâpazi ta.

1 SAMUELA 6:9

Moh thlâh ha aw ei chi ta, ano yna su Beseme râh lâ khyna lâpi a chhihpa ta a sie khiahta cha, eima chô liata pasana rarôh y ngaitapa a patlôsapa he ano tlai châ ta, cha lâta a sie vei khiahta deikua cha, ano ku ta miah a hriepa châ leipa ta, hri chareina daihti nata Byh yna daihti â su chhopa vâta a châ tahpa eima pahno aw,” tah ei ta.