PUASAINA 9:29 - Mara Bible RV (BSI)

²⁹ Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.

PUASAINA 9:29 ပူးပေါင်းရင်းမြစ်များ

1 ABEIZY 8:22

Chatawhcha Sawlawmaw cha Izarei a hmaohpakhypa zydua mohmô ta Abeipa maisâh hmiakô liata a duah ta, avâ lâ a ku pazawh ta,

1 ABEIZY 8:38

ama palôh pasana pahno chyupa ta, mopakha ta tlyma, Izarei zawpi ta tlyma, he o lâ he a heihpa ta ama ku pazawh ei sala, thlahchhâna nata hiana ama vaw tlôkhei khiahta cha,

EZRÂ 9:5

Zâlâ atheihna daihti liata kâhvileipa ta ei ypa tawhta thyu na ta, ei viahkao nata ei poh a hrie khai hapazy chhaota ei pakhu paneih na ta, Abeipa ei Khazohpa hmiakô lâ ei bâh pazawh na ta, a hnohta,

ZAWBÂ 11:13

“Na palôh a chhuahdy la, Ano lâ na kuzy pazawh la,

HLAZY 135:6

Abeipa cha avâ nata alei liata a khopa maih tao tyh ta, Tilaipizy nata ti athupazy liata a khopa maih a tao tyh.

HLAZY 143:6

Ei kuzy nâ lâta pazawh tyh na ta, Ei thlahpa cha nâma vâpa ta alei hipa hawhta a dâh a phi tyh. Selah

HLAZY 50:12

“Ei no a dipa chhao ta, Nâ la cha chho hlei aw va na; Khizaw nata a chhôh liata a ypa zydua he, Kei eih sai a châ.

PUASAINA 19:5

Chavâta tahmâ pakhâta ta ei bie nathliepa ta, ei biehrai nama zyh khiahta cha, khizaw phopi zydua hry liata ei ryuto eihpa nama châ aw, khizaw zydua he kei eih châ tlôh ta.

PUASAINA 20:11

Noh charu chhôh ta Abeipa ta avâ nata alei, tilaipi nata a chhôh liata a ypa zydua tao ta, noh sarina noh cha â pahâpa vâta, Abeipa ta Pahânoh cha byhnâ pie ta a pathaisa.

PUASAINA 8:22

Ei phopi pahrâna Kôse râh deikua cha, cha noh liata panano aw na ta, cha liata mathyupa rai y aw vei. Chatanachata kei he alei chô liata a ypa Abeipa ei châ tahpa na pahno aw.

PUASAINA 8:6

Chatanachata Arawna ta Izi râh liata tizy chô liata a ku pazawh ta, uphawhzy kaw pua ei ta, Izi râh ama bie khai haw.

PUASAINA 9:33

Mawsi cha Phiraoh tawhta a pasiepa ta khihpi khôtho lâ pua ta, Abeipa lâ a ku pazawh ta. Chatanachata tôkalôhpa nata pareih cha a chalih ei ta, avâ chhao alei chô liata â vaw hia haw.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

1 KAWRINI 10:26

“Alei he Abeipa eih châ ta, a chhôh liata hmo zydua chhao Abeipa eih a châ.”

1 KAWRINI 10:28

Chyhsa ta, “He he atheihna châta hlâpa a châ,” tahpa ta a cha chho khiah ei ta deikua cha, châ chhotuhpa vâta nata chhie nata pha pahnona vâta, nama nie awpa châ vei.

RYHPACHANEINA 10:14

Moh tua u, avâ nata avâ a sâh chaipa nata leilô nata a chhôh liata a ypa zydua he Abeipa nama Khazohpa eih sai a châ.