PUASAINA 9:27 - Mara Bible RV (BSI)

²⁷ Phiraoh ta Mawsi nata Arawna cha paawsa ta, ama hnohta, “Tahmâ la ei vaw molei ha tlai na. Abeipa cha a do ta, kei nata ei phopi tlai he moleipa cha eima châ.

PUASAINA 9:27 ပူးပေါင်းရင်းမြစ်များ

2 SAMUELA 12:13

Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

2 THÂTIHZYRONA 12:6

Chatanachata Izarei beimachâzy nata abei cha a panawh ei ta, “Abeipa cha mosiapa a châ,” tah ei ta.

HLAZY 129:4

Abeipa cha asiapa châ ta, Hmoparaopazy chaori a â pachhôtuhpa a châ.

HLAZY 145:17

Abeipa cha a yzie zydua liata sia ta, A hmotaopa zydua liata ngâchhihpa a châ.

HLAZY 9:16

Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. Hikaiô. Selah

PUASAINA 10:16

Chatawhcha Phiraoh ta Mawsi nata Arawna cha a chatliepa ta aw ta, ama hnohta, “Abeipa nama Khazohpa chô liata nata nâmo chô liata hmo ei parao haw.

PUASAINA 10:17

Chavâta tahmâ ei châ haw ei, he ei khata ngâlâh he ei moleina rie nâ ngiahthai u la, he thina he kei tawhta na lapa awpa ta Abeipa nama Khazohpa cha na hiapa teh u,” tah ta.

PUASAINA 8:25

Phiraoh ta Mawsi nata Arawna cha aw ta, ama hnohta, “Sie u la, he râh chhôh liana heta nama Khazohpa lâ cha a kei theih teh u,” tah ta.

PUASAINA 8:8

Phiraoh ta Mawsi nata Arawna cha aw ta, ama hnohta “Kei tawhta nata ei phopi tawhta uphawhzy he la khai ha awpa ta Abeipa lâ hiah teh u. Abeipa lâ amâ theih thei nawpa ta Izarei phopi cha ei pasiesa aw ei,” tah ta.

CHAPHÔHTUNA 1:18

“Abeipa cha a siapa châ ta, A bie a zyh leipa cha keima he ei vaw châ; Chatahrasala Hy phopi zydua saih u, nathlie u la, Ei pasataona he moh tua u; Ei satlia laihsa zy Seichâna lâ ama sie khai ha hih.

DÂNIAH 9:14

Chavâta Abeipa ta chhiena cha a mâ chiehpa ta soh thlâh ha ta, eima chô liata a vaw patlôsa hapa a châ. Abeipa eima Khazohpa cha asiapa châ ta, a hmotaopa zydua liata chhao sia ta, chatana chôta a bie zyh ma pi.

MALUHREINA 21:7

Zawpizy cha Mawsi lâ vawh ei ta, a hnohta, “Abeipa nata nâma chakhiapa ta bie reih pi ta, eima vaw molei ha na. Abeipa lâ thlah miah chhâpa la, parihzy he keimo tawhta la awpa ta miah hiapa teh,” tah ei ta. Chatanachata Mawsi ta zawpizy châta thlahchhâ ta.

MALUHREINA 22:34

Bâlâma ta vâlyuhchâpa hnohta, “Ei vaw molei ha na. Na pakhâ awpa ta lâpi liata nâ vaw duah tahpa ei pahno leipa vâta a châ. Chavâta ei sie awpa he na hmiakô liata hmo pha leipa a châ khiahta cha, tahmâ he ei kua aw,” tah ta.

MATHAI 27:4

Ama hnohta, “Pei hria leipa thisaih ei paphasaipa vâta, ei vaw molei haw,” tah ta. Âmo ta, “Cha cha keimo châta khâpa a pei aw? Nâma tao ta tao teh” tah ei ta.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

ZAWSUA 7:20

Âkhâ ta Zawsua cha a chhy ta, a hnohta, “Zehôvah, Izarei Khazohpa chô liata hmo ei vaw parao ha tlai. He he ei hmotaopa cha a châ:

1 SAMUELA 15:24

Sawla ta Samuela hnohta, “Ei vaw molei haw. Zawpi chi na ta, ama ao ei nathliepa vâta, Abeipa biepiepa nata nâma biezy ei vaw parao haw.

1 SAMUELA 15:30

Sawla ta, “Ei vaw molei ha tlai na. Chatahrasala ei châ haw na, ei chiheih machâzy nata Izarei hmiakô liana heta tahmâ na palyupalih la, Abeipa na Khazohpa hmiakô liata ei bôh thei nawpa ta, rie na kuakhei mah y,” tah ta.

1 SAMUELA 26:21

Sawla ta, “Ei vaw molei ha na. Vaw kua ha mah y, ei sawchapawpa Davi. Ei hrona he na mohmô liata tanoh sôh ngaita ta, chavâta kheihta hmahta cha tah khao aw va na. Moh teh, hru kawpa ta hmo vaw tao na ta, ei vaw tao chhei ngaita,” tah ta.