PUASAINA 9:23 - Mara Bible RV (BSI)

²³ Mawsi ta a chôchahrei avâ lâ pazawh ta, chatawhcha Abeipa ta tôkalôhpa nata pareih za tuah ta, alei liata pachie mei za tla ta. Abeipa ta Izi râh chô liata pareih thata patlasa ta.

PUASAINA 9:23 ပူးပေါင်းရင်းမြစ်များ

ÂTHAONA 19:24

Abeipa ta Sawdawmâ nata Kawmawrâ chô liata vârâh tawhta mei nata kaih pasuasa ta. Vârâh liata a ypa Abeipa tawh tlai ta a zâ suahpa a châ.

ZAWBÂ 37:13

Chyhsazy pado nawpa ta tlyma, A râh chhaohlei papha naw­pa ta tlyma, A kyhpachâna palâsa nawpa ta tlyma, Meihdozy cha a paysa tyh.

HLAZY 147:17

Viahchhâ tlawhzy hawhta dâhaw tlozy za thy ta, Chasipa a vaw patlôsapa hmia liata, Ahy a duah thei aw?

HLAZY 148:8

Mei nata pareih, dâhaw nata ameih zy saih u, Abeipa cha reithai u la; A bie a zyhpa thlihpizy saih u, Abeipa cha reithai teh u!

HLAZY 18:13

Abeipa cha avâzy tawhta a vaw thua ta, Chônôchaipa ta a ao papua ta, Pachie nata pareih thata a tla.

HLAZY 29:3

Abeipa ao cha tizy chô liata y ta, Khazoh rônahpa cha a thua ngâ ta, Abeipa cha ti hluhpi chô liata a ypa a châ.

HLAZY 77:18

Na tôkalôhpa pyu cha khisô liata y ta, Na dôhlazy ta khizaw pakhaihsapa ta, Alei he a chalyu ta â chatho.

PUASAINA 19:16

A noh thôhna noh my ta tôkalôh a vaw thua ta, dôhlazy vaw pathlie ta, tlâh chô liata meihdo chhakaluhpa a vaw chhoh ta, chiahmie paro ngaitapa vaw paro ta, riehmo liata a ypa chyhsa zydua cha a chalyu ei ta.

PUASAINA 20:18

Chyhsa zydua ta tôkalôhpa, dôhla, chiahmie pyu nata tlâh liata meikhuh zy cha ama hmô nahta, chipa ta a chalyu ei ta, lâhlapi liata a duah ei ta.

PUASAINA 9:18

Moh teh, mylâ tahmâ daihti liata, Izi râh â vaw dua tua noh tawhta tahmâ taihta a y beih leipa pareih ru ngaitapa ei patlasa aw.

PUASAINA 9:24

Pareih ru ngaitapa tla ta, pareih hry liata pachie mei â zaopa ta chateih ta, Izi phopi â vaw dua tawhta cha tlu ta pareih rupa Izi râh liata tla beih vei.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

EZEKIA 38:22

Potlana nata thisaih palopa ta ano cha pachia aw na ta, ano nata a pheisaihzy nata a hnohta a ypa phopi hluhpi chô liata vâkatlâ pasuasa aw na ta, pareih lai ngaitapazy patlasapa ta, mei nata kaihzy ei pasuasa aw.

ZAWSUA 10:11

Izarei sawzy hmiakô tawhta a râpai ei ta, Behôrô chhutla ama chô hai nota, Abeipa ta avâ tawhta pareih laipa za patlasa ta, Azekâ tlôna taihta âmo cha daih lymâ ta, thata thi ei ta. Izarei sawzy ta zaozi ta ama thiepazy hlâ chhao ta pareih ta a daisaopa ama hluh via.

BIEPHUAH 16:18

Dôhlazy vaw patlie ta, aozy vaw pua ta, tôkalôhpazy a vaw thua ta, alo thata a vaw sih ta. Alei liata chyhsa y tua rakha tawhta, cha tlu ta a rupa alosihpa y beih vei. Alosihpa rarôh y ngaipa a châ.

BIEPHUAH 16:21

Chatawhcha pareih lai ngaitapa, talent miakha hlei a hripazy chyhsa chô liata za tla ta. Potlana cha a rarôh y ngaitapa vâta, pareih potlana vâta Khazohpa chô liata chhiesa ei ta.

BIEPHUAH 8:7

Vâlyuhchâpa pakhana ta a chiahmie vaw tô ta, thisaih nata a pahlaopa pareih nata mei ta vaw pazi ta, chazy cha alei liata thypa a châ. Alei su thôh su kha kâ khai ta, thozy chhao su thôh su kha kâ ta, sibie hrohpa zydua a kâ khai haw.