PUASAINA 9:12 - Mara Bible RV (BSI)

¹² Châhrasala Abeipa ta Phiraoh palôh kuh pachhasa ta, Abeipa ta Mawsi hnohta a rei hapa hawhta, ama bie nathlie khoh vei.

PUASAINA 9:12 ပူးပေါင်းရင်းမြစ်များ

PUASAINA 10:1

Chatawhcha Abeipa ta Mawsi hnohta, “Phiraoh lâ a kei ngia teh. Kei tawhta ngianazy ama hry liata ei chaluah thei nawpa ta, ano palôh nata a chakaotuhpazy palôh kuh ei pachhasa haw.

PUASAINA 10:20

Châhrasala Abeipa ta Phiraoh cha a palôh kuh pachhasa ta, chavâta Izarei sawzy cha pasiesa khoh khao vei.

PUASAINA 11:10

Cha hmonoâhpa zydua cha Mawsi nata Arawna ta Phiraoh hmiakô liata tao ei ta. Châhrasala Abeipa ta Phiraoh cha a palôh kuh pachhasa ta, Izarei sawzy cha a râh tawhta papuasa khoh vei.

PUASAINA 14:8

Abeipa ta Izi bei Phiraoh palôh kuh pachhasa ta, chatanachata chhôhmohpa ta a sie haipa Izarei sawzy cha a chadai ta.

PUASAINA 4:21

Abeipa ta Mawsi hnohta, “Izi râh lâ na kua tita, hmonoâhpa tao theina ei cha piepa zydua kha, Phiraoh hmiakô liata tao tlai mah y. Châhrasala a palôh kuh pachhasa aw na ta, phopi cha pasiesa aw vei.

PUASAINA 7:4

Chavâta Phiraoh ta cha nathlie aw veih ei. Chatanachata Izi râh chô liata ei ku pahnieh aw na ta, pachiana rônahpa ta ei pheisaihzy, ei phopi Izarei sawzy he Izi râh tawhta ei chhi papua aw ei.

PUASAINA 9:7

Phiraoh ta chyhsa tuah ta, Izarei sawzy sahroh cha pô kha hmah a thi leipa pahno ta. Châhrasala Phiraoh palôh cha kuh pachhasapa ta y ta, Izarei phopi ama sie awpa pasaih pyly vei.

ZAWHÂNA 12:40

“Ama mozy pachao ta, Ama palôh kuh a pachhasa; Chata châ vei mawh sala, Ama mo ta hmô aw ei ta, Ama palôh ta pahnopa ta, A vaw heih aw ei ta, Ei patlâh ha awpa ei tlai,” a tahpa kha a châ.

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.