PUASAINA 8:6 - Mara Bible RV (BSI)

⁶ Chatanachata Arawna ta Izi râh liata tizy chô liata a ku pazawh ta, uphawhzy kaw pua ei ta, Izi râh ama bie khai haw.

PUASAINA 8:6 ပူးပေါင်းရင်းမြစ်များ

2 SAMUELA 7:22

Chavâta Hy Abeipa Zehôvâh y, nâ cha rônahpa na châ. Eima nah ta eima thei khai hapa hawhta, nâma hawhpa he y leipa ei ta, nâma leipa ta Khazohpa rai y veih ei.

2 THÂTIHZYRONA 6:14

“Hy Abeipa, Izarei Khazohpa y, nâ hawhpa Khazohpa he alei nata avâ liata y veih ei. Nâ cha pathi­palôh tlokhuh ta na lâpi a chhihpa châ chakaotuhpazy chô liata bietai patlôpa ta, ngiachhiena a palâsa tyhpa na châ.

HLAZY 105:30

Ama râh cha cha-uzy ta bie ta, Ama beizy chhôhpadâhpa taihta â ngia.

HLAZY 78:45

Ama hry liata mathyupa hri hluhpi tuah ta, Chazy chata âmo cha nie khai ei ta; Cha-uzy chhao tuah ta, Chazy chata âmo cha a pahleipadia khai ha ei.

HLAZY 86:8

Hy Abeipa, khazohzy hry liata nâ hawhpa rai y leipa ei ta, Na hmotaopa hawhta a taopa rai y veih ei.

HLAZY 90:2

Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.

PUASAINA 10:2

Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 7:19

Abeipa ta Mawsi hnohta, “Arawna hnohta, ‘Na chôchahrei chaba la, Izi râh tizy, ama chavahzy, ama vahtiepazy, ama tipozy nata ama ti pa-ona zydua chô liata na ku pazawh teh. Chatanachata tizy cha thisaih lâta a lie aw ei ta, Izi râh zydua liata thisaih a y aw. Tho hmobaohzy chhôh liata nata alô hmobaohzy chhôh liata chhao thisaih a y aw,’ tahpa ta chho mah y,” tah ta.

PUASAINA 9:14

Tahmâ liana heta la na chô liata nata châ chakaotuhpazy chô liata nata na phopi chô liata potlana ta ei hrie nawpa zydua ei vaw patlôsa bâ aw. Chatanachata khizaw zydua liata keima hawhpa he ahy hmah y veih ei tahpa na pahno aw.

PUASAINA 9:29

Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.

ISAI 43:10

“Nâmo tlai he nâ pahnokheituhpa châ ei chi ta, Nâ chakaotuhpa ei tlyhpazy nama châ. Chatanachata keima tlai he, Khazohpa cha ei châ tahpa nama novâh aw ta, Pahno aw ei chi ta, Einâ ngiapâ aw ei chi. Kei ei y hlâta cha, Khazoh hropa rai y leipa ta; Keima khai tawhta chhao, Khazoh hropa y khao aw vei,” Abeipa ta a tah.

THEIHTHAINA 11:12

Ti liata a ypa mathlaw nata phuhlu a hnei leipa maih nama châta pasichhihpa a châ.

RYHPACHANEINA 32:31

Âmo lôpanô cha keimo Lôpanô hawhpa châ vei; Cha cha eima chariahpazy chhao ta ama pahno.

RYHPACHANEINA 33:26

“Hy Zesuruh, Khazohpa hawhpa he ahy hmah y veih ei; Ano cha cha bao awpa ta avâzy chô liata kiah ta, A rônahpa ta avâpi chô a kiahpa a châ.

RYHPACHANEINA 4:35

Nâmo hnohta deikua cha, Abeipa cha Khazohpa châ ta, ano leipa ta Khazoh hropa rai y veih ei tahpa palâhâhpa a châ.

BIEPHUAH 16:13

Chatawhcha drâkao nata sahrâhpa nata hrohso pakheipa pakahzy tawhta cha-u a lyupa thlahpa puapa pathôh ama vaw puapa hmô na ta.