PUASAINA 8:4 - Mara Bible RV (BSI)

⁴ Uphawhzy chata nâ nata na phopi nata châ chakaotuhpazy chô liata ama kiah aw,’ tah ma y,” tah ta.

PUASAINA 8:4 ပူးပေါင်းရင်းမြစ်များ

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

HLAZY 107:40

Ama chhituhpazy chô liata mohnaona lei thlu ta, Lâpi y leina râhchawhpa liata a paviavisa ei.

PUASAINA 10:17

Chavâta tahmâ ei châ haw ei, he ei khata ngâlâh he ei moleina rie nâ ngiahthai u la, he thina he kei tawhta na lapa awpa ta Abeipa nama Khazohpa cha na hiapa teh u,” tah ta.

PUASAINA 8:24

Abeipa ta cha hawhna chata tao ta. Phiraoh o liata nata a chakaotuhpazy o liata mathyupa hluhpi, a pôpi ta a ngia ei ta, cha mathyupa pôpi chata Izi râh liata râh zydua ama parao khai haw.

PUASAINA 8:3

Nile chavah cha uphawh ta bie aw ta, uphawhzy cha kaw pua aw ei ta, na o chhôh liata zy, nâ ziana chhôhpadâhpa liata zy, na rakhô chô liata zy, châ chakaotuhpazy nata na zawpi o chhôh liata zy, na lômathu nata na viahchhâ neihna beikoh chhôh liata zy amâ ngia khai aw.

PUASAINA 8:5

Abeipa ta Mawsi hnohta, “Arawna chho la, a hnohta, ‘Na chôchahrei chaba la, chavahzy, vahtiepazy nata tipozy chô liata na ku pazawh la, Izi râh liata uphawh pakiasa teh,’ tah mah y,” tah ta.

PUASAINA 9:28

Abeipa lâ hiah teh u. Khazohpa tôkalôhpa nata pareihzy he â daih ha bâ na. Ei cha pasiesa bâ aw ei, y khao aw veih ei chi,” tah ta.

ISAI 19:11

Zônâ beimachâzy cha ahrupazy châ ei ta, Phiraoh ryhraokheituhpa so chaipazy ta ryhraona hrupa ama pie. Kheihta ma Phiraoh hnohta, “Asopa saw châ na ta, Bei hlôpa sawchapawpa ei châ,” Nama tah thei tly?

ISAI 19:22

Abeipa ta Izi cha tu aw ta, tupa ta patlâh aw ta, Abeipa lâ kua aw ei ta, zawngiah awpa ta amâ hawpazy cha Abeipa ta nathlie aw ta, a patlâh aw ei.

ISAI 23:9

He hmo he Pheisaihzy Abeipa hmochhuahpa a châ. Amâ palaikheipa rônahna zydua papuapalei ta, Lei chyhsa zachhihpazy noh pazao nawpa ta, Pheisaihzy Abeipa ta tao â chhuahpa hmo a châ.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

MALUHREINA 21:7

Zawpizy cha Mawsi lâ vawh ei ta, a hnohta, “Abeipa nata nâma chakhiapa ta bie reih pi ta, eima vaw molei ha na. Abeipa lâ thlah miah chhâpa la, parihzy he keimo tawhta la awpa ta miah hiapa teh,” tah ei ta. Chatanachata Mawsi ta zawpizy châta thlahchhâ ta.