PUASAINA 8:3 - Mara Bible RV (BSI)

³ Nile chavah cha uphawh ta bie aw ta, uphawhzy cha kaw pua aw ei ta, na o chhôh liata zy, nâ ziana chhôhpadâhpa liata zy, na rakhô chô liata zy, châ chakaotuhpazy nata na zawpi o chhôh liata zy, na lômathu nata na viahchhâ neihna beikoh chhôh liata zy amâ ngia khai aw.

PUASAINA 8:3 ပူးပေါင်းရင်းမြစ်များ

2 THÂTIHZYRONA 22:11

Ahazia sawchapawpa Zôasâ deikua cha, abei sawchanô Zehôsabia ta bei sawchapaw ama thie awpazy hry tawhta a râkhei ta, ano mohôhtuhpa chhaota chhôhpadâhpa miakha liata nyu ta. Bei Zehôrâ sawchanô Zehôsabia cha theihthaipa Zehôdâ lapinô châ ta, Zôasâ cha a rilâhpa a châpa vâta, Athaliah hmô leina liata Zôasâ cha nyu ta, Athaliah ta a thie thei leipa a châ.

HLAZY 105:30

Ama râh cha cha-uzy ta bie ta, Ama beizy chhôhpadâhpa taihta â ngia.

PUASAINA 10:6

Nâma ozy nata châ chakaotuhpa zydua o nata Izi mo o zydua ama bie khai aw. Châ pathlatuhpazy nata âmo a pathlatuhpazy chhao ta khizaw liata ama vaw y pathao noh tawhta tanoh taihta cha hawhpa cha hmô beih veih ei,’” tahpa ta chho ei ta. Chatawhcha Mawsi cha a palie ta, Phiraoh tawhta pua ha ta.

PUASAINA 12:34

Izarei sawzy ta ama viahchhâ nyhpazy cha, thinô ama pahlao hlâta la ei ta, ama viahchhâ nyhna beihkohzy ama poh ta pahlypa ta, ama ngiatlâh liata baih ei ta.

PUASAINA 7:11

Phiraoh chhao ta chyhsa sopazy nata dyuthaipazy aw hra ta, Izi râh liata moliethaipazy chhao chata ama dyu hmâpa ta, cha hawhna tlai chata tao hra ei ta.

PUASAINA 8:11

Uphawhzy ta nâ nata na ozy nata châ chakaotuhpazy nata na phopi puasai aw ei ta, Nile chavah lia deita ama y aw,” tah ta.

PUASAINA 8:2

Ama sie awpa na pasai vei khiahta cha, pachâ teh, na râh zydua uphawh ta ei hrie aw.

PUASAINA 8:4

Uphawhzy chata nâ nata na phopi nata châ chakaotuhpazy chô liata ama kiah aw,’ tah ma y,” tah ta.