PUASAINA 8:27 - Mara Bible RV (BSI)

²⁷ Noh thôh lâsie râhchawhpa lâ sie aw pi ta, bie miah a piepa hawh tlai ta, Abeipa eima Khazohpa lâ eimâ theih aw,” tah ta.

PUASAINA 8:27 ပူးပေါင်းရင်းမြစ်များ

PUASAINA 10:26

Eima sahrohzy eima hnohta ama sie hra awpa a châ. Sahrohzy hry liatapa he Abeipa eima Khazohpa chakao nawpa ta eima hmâ awpa châ tlôh ta, a su eima tlô hlâta cha, khâpa ta ma Abeipa eima chakao aw tahpa ei pahno leipa vâta, sahroh pô kha hmah eima siesai awpa châ vei,” tah ta.

PUASAINA 3:12

Khazohpa ta, “Na hnohta ei y aw. Keima tuapa tlai na châ tahpa, he he nâma châta ngiana a châ aw: Izi râh tawhta phopi na kaw puakhei ti ei ta, he tlâh liana tlai heta Khazohpa nama chakao aw,” tah ta.

PUASAINA 3:18

Chatanachata na bie ama nathlie aw. Nâ nata Izarei machâzy Izi bei lâ vawh aw ei chi ta, a hnohta, ‘Zehôvâh, Hebraizy Khazohpa ta miah vaw tly ta, chavâta noh thôh lâsie râhchawhpa liata Zehôvâh eima Khazohpa lâta atheihna eima hlâ thei nawpa ta, ngiachhiepa ta miah pasiesa mah y,’ nama tah aw.

PUASAINA 34:11

“Tanoh ta bie ei cha piepa he zyh mah y. Amawri mo, Kâna mo, Hiti mo, Perizi mo, Hivi mo nata Zebu mozy cha na mohmô liata ei papua aw ei.

PUASAINA 5:1

Cha khai tawhta, Mawsi nata Arawna cha vawh ei ta, Phiraoh hnohta, “Zehôvâh, Izarei Khazohpa ta, ‘Râhchawhpa liata ei châta kyhchhi ama tao thei nawpa ta, ei phopi pasiesa teh,’ a cha tah,” tah ei ta.

PUASAINA 5:3

Âmo ta, “Hebraizy Khazohpa ta miah za tly ha ta, chavâta Khazohpa lâ eimâ theih thei nawpa ta, ngiachhiepa ta noh thôh lâsie râhchawhpa lâ miah pasiesa mah y. Chataleipatala potlana ta tlyma, zaozi ta tlyma, miah a hrie pathlei aw,” tah ei ta.

THEIHTHAINA 10:1

Arawna sawchapawpa Nâdâ nata Abihu ta ropahâhpa ama raona byh la chyu ei ta, a chhôh liata mei soh ei ta, ropahâhpa mia ei ta, Abeipa ta âmo bie a pie leipa mei hropa hmâpa ta Abeipa hmiakô liata hlâ ei ta.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.