PUASAINA 8:22 - Mara Bible RV (BSI)

²² Ei phopi pahrâna Kôse râh deikua cha, cha noh liata panano aw na ta, cha liata mathyupa rai y aw vei. Chatanachata kei he alei chô liata a ypa Abeipa ei châ tahpa na pahno aw.

PUASAINA 8:22 ပူးပေါင်းရင်းမြစ်များ

ÂTHAONA 46:34

nâmo ta, ‘Na seizy he eima hawtita tawhta tahmâ taihta, miah pathlatuhpazy hawhta, sahroh vaituhpazy eima châ’ nama tah aw. Chatanachata Kôse râh liata nama pahrâ thei aw, mietaku vaituhpazy cha Izi chyhsazy châta pasichhihpa châ tlôh ei ta,” tah ta.

HLAZY 110:2

Abeipa ta Zaio tawhta na thatlôna chôchahrei vaw tuah sala, Na chariahpazy hry liata ryureih mah y!

HLAZY 74:12

Hy Khazohpa, nâ cha hlâno tawhta ei Beipa châ chi ta, Alei chô zydua liata pachhana a taotuhpa na châ.

PUASAINA 10:23

 hmô thei khao leipa ei ta, noh thôh chhôh ama yna su tawhta a pasie thei tlâ khao veih ei. Izarei sawzy deikua cha, ama yna chyu liata khaihna ama hnei khai.

PUASAINA 12:13

Thisaih cha nâmo châta nama yna o ngiana châ aw ta, thisaih ei hmô khiahta cha, ei châ zaw pakhô ha aw ei. Chatanachata Izi râh ei tu tita, nâmo chô lia deikua cha, châ pahleipadia awpa khâpa hri hmah vaw tlô aw vei.

PUASAINA 19:5

Chavâta tahmâ pakhâta ta ei bie nathliepa ta, ei biehrai nama zyh khiahta cha, khizaw phopi zydua hry liata ei ryuto eihpa nama châ aw, khizaw zydua he kei eih châ tlôh ta.

PUASAINA 20:11

Noh charu chhôh ta Abeipa ta avâ nata alei, tilaipi nata a chhôh liata a ypa zydua tao ta, noh sarina noh cha â pahâpa vâta, Abeipa ta Pahânoh cha byhnâ pie ta a pathaisa.

PUASAINA 7:17

Chavâta Abeipa ta hetana heta a tah: Kei he Abeipa ei châ tahpa ei hmotaopa liata na pahno aw: Moh teh, ei ku liata chôchahrei heta Nile chavah tizy tu aw na ta, thisaih lâta amâ lie aw.

PUASAINA 7:5

Izi râh chô liata ei ku pazawhpa ta, Izarei sawzy ama hry tawhta ei chhi papua tita, Izi mo ta kei he Abeipa ei châ tahpa ama pahno aw,” tah ta.

PUASAINA 8:10

Phiraoh ta, “Mylâ sy,” tah ta. Mawsi ta, “Na bie hawhta châ mawh sy. Chatanachata Abeipa eima Khazohpa hawhpa he ahy hmah y veih ei tahpa na pahno aw.

PUASAINA 8:21

Ei phopi na pasiesa leipa khiahta cha, pachâ teh, na chô liata zy, châ chakaotuhpazy chô liata zy, na phopi chô liata nata na o chhôh zy liata mathyupazy a pôpi ta vaw tuah aw na ta, Izi mo ozy nata ama pahrâna alei cha mathyupa ta a bie khai aw.

PUASAINA 8:23

Ei phopi nata na phopi pananona tao aw na ta, he ngiana he mylâ a vaw y aw,’ tahpa ta na chho aw,” tah ta.

PUASAINA 9:26

Izarei sawzy yna Kôse râh liata deikua cha, pareih tla vei.

PUASAINA 9:29

Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.

PUASAINA 9:4

Châhrasala Abeipa ta Izarei sawzy sahrohzy nata Izi mo sahrohzy ananona tao aw ta, Izarei sawzy eih cha pô kha hmah thi aw vei,’ tahpa ta chho mah y,” tah ta.

PUASAINA 9:6

A mylâ ta Abeipa ta cha hmo cha tao ta, Izi mo sahroh zydua thi khai ta, Izarei sawzy sahroh deikua cha, pô kha hmah thi vei.

EZEKIA 30:19

Cha hawhna chata Izi cha pachia aw na ta, Kei he Abeipa ei châ tahpa ama pahno aw.’”

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.