PUASAINA 8:17 - Mara Bible RV (BSI)

¹⁷ Cha hawhna chata tao ei ta. Arawna ta a chôchahrei chabapa ta a ku hy ta, alei liata dohlei tu ta. Thlohmiazy ta chyhsapa nata sazy thata by ta, Izi râh zydua liata alei dohlei zydua thlohmia lâta amâ vaw lie khai haw.

PUASAINA 8:17 ပူးပေါင်းရင်းမြစ်များ

HLAZY 105:31

Abeipa ta bie reih ta, Mathyupa hluhpi vaw tlô ta, Ama râh cha thlohmia ta a bie.

HLAZY 78:45

Ama hry liata mathyupa hri hluhpi tuah ta, Chazy chata âmo cha nie khai ei ta; Cha-uzy chhao tuah ta, Chazy chata âmo cha a pahleipadia khai ha ei.

PUASAINA 4:23

Ei sawchapawpa ta eina chakao thei nawpa ta, ano cha pasiesa mah y, cha tah na ta, a sie awpa na pasai vei khiahta cha, pachâ teh, na sawchapawpa, na sawchapaw uhtheipa tlai ei thie aw,’ tahpa ta na chho aw,” tah ta.

PUASAINA 5:1

Cha khai tawhta, Mawsi nata Arawna cha vawh ei ta, Phiraoh hnohta, “Zehôvâh, Izarei Khazohpa ta, ‘Râhchawhpa liata ei châta kyhchhi ama tao thei nawpa ta, ei phopi pasiesa teh,’ a cha tah,” tah ei ta.

PUASAINA 8:16

Abeipa ta Mawsi hnohta, “Arawna chho la, a hnohta, ‘Izi râh dohlei zydua thlohmia lâta paliesa awpa ta, na chôchahrei kha hy la, alei liata dohlei kha tu teh,’ tahpa ta chho mah y,” tah ta.

ISAI 23:9

He hmo he Pheisaihzy Abeipa hmochhuahpa a châ. Amâ palaikheipa rônahna zydua papuapalei ta, Lei chyhsa zachhihpazy noh pazao nawpa ta, Pheisaihzy Abeipa ta tao â chhuahpa hmo a châ.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.