PUASAINA 8:15 - Mara Bible RV (BSI)

¹⁵ Châhrasala Phiraoh ta huhiehna a vaw ypa a hmô nahta, a palôh kuh a pachha ta, Abeipa ta a rei hapa hawhta, ama bie nathlie khoh heih vei.

PUASAINA 8:15 ပူးပေါင်းရင်းမြစ်များ

PUASAINA 14:5

Chyhsazy amâ râ khai haw tahpa Izi bei ama chho nahta, âmo kyh liata Phiraoh nata a chakaotuhpazy palôh anano ha heih ta, “Izarei sawzy miah ama chakao haipa tlai ta eima pasiesa thlâh hapa kha, kheihtazie ta kha hawhta a taopa ma eima châ tly?” tah ei ta.

PUASAINA 4:21

Abeipa ta Mawsi hnohta, “Izi râh lâ na kua tita, hmonoâhpa tao theina ei cha piepa zydua kha, Phiraoh hmiakô liata tao tlai mah y. Châhrasala a palôh kuh pachhasa aw na ta, phopi cha pasiesa aw vei.

PUASAINA 7:4

Chavâta Phiraoh ta cha nathlie aw veih ei. Chatanachata Izi râh chô liata ei ku pahnieh aw na ta, pachiana rônahpa ta ei pheisaihzy, ei phopi Izarei sawzy he Izi râh tawhta ei chhi papua aw ei.

PUASAINA 8:14

Pakhy ei ta a su su ta pathlu ei ta, a râh duata a thu khai haw.

PUASAINA 8:16

Abeipa ta Mawsi hnohta, “Arawna chho la, a hnohta, ‘Izi râh dohlei zydua thlohmia lâta paliesa awpa ta, na chôchahrei kha hy la, alei liata dohlei kha tu teh,’ tahpa ta chho mah y,” tah ta.

PUASAINA 8:28

Phiraoh ta, “Râhchawhpa liata Abeipa nama Khazohpa lâta namâ theih thei nawpa ta, cha pasiesa aw ei na ta, lâ hlapi taih deikua nama sie awpa châ vei, na hiapa teh u,” tah ta.

PUASAINA 8:29

Mawsi ta, “Moh teh, nâ tawhta pua aw na ta, mathyupa pôpi heta Phiraoh nata a chakaotuhpazy nata a phopi mylâ ama puasai thei nawpa ta, Abeipa lâ cha ei hiah aw. Phiraoh deikua ta, chyhsa dôvei khao leipa sala, Abeipa lâ a theih awpa ta Izarei phopi ama sie awpa pasai leipa ta y cheita khao khah sy,” tah ta.

PUASAINA 8:32

Châhrasala cha daihti liana chhao chata, Phiraoh cha a palôh kuh pachhasa heih ta, Izarei phopi ama sie awpa pasaih pyly vei.

PUASAINA 8:8

Phiraoh ta Mawsi nata Arawna cha aw ta, ama hnohta “Kei tawhta nata ei phopi tawhta uphawhzy he la khai ha awpa ta Abeipa lâ hiah teh u. Abeipa lâ amâ theih thei nawpa ta Izarei phopi cha ei pasiesa aw ei,” tah ta.

BIESOZY 26:11

I ta a palipa a nie heih tyhpa hawhta, Ahrupa chhao ta a hruzie a palâsa chanei heih tyh.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

ISAI 26:10

Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

HÔSIA 6:4

Hy Epharai, kheihta ma ei cha tao aw? Hy Zudâh, kheihta ma ei cha tao aw? Nâmo phana cha my meihdo hawh dei châ ta, My diati thlai ta a paipa hawh dei a châ.

HEBRAI 3:15

“Tanoh he a ao nama thei khiahta cha, Chhorupa ta nama y no hawhna khata, Nama palôh kuh pachhâsa khuh vy,” tahpa a châ.

HEBRAI 3:8

Râhchawhpa liata pasiapa nama châ nota, Nama chhorupa hawhna khata, Nama palôh kuh pachhasa khuh vy.

BIEPHUAH 16:9

Chatanachata chyhsazy cha ama u khaina taihta noh sah ngaitapa ta pakâhpa châ ei ta, potlana chô liata biehneituhpa Khazohpa moh cha chhiesapa ei ta. Châhrasala ro khoh hlei leipa ei ta, Khazohpa palyupalih veih ei.

1 SAMUELA 6:12

Viahchao panôzy cha, a aoh pâ lymâna chôta, Beseme lâpi a chhihpa ta â dypa ta sie lymâ ei ta. Chachâh lâ tlyma, chavei lâ tlyma tlei chachei leipa ta lâlai miakha a chhihpa ta sie lymâ ei ta. Philistinâ beizy ta Beseme râhri taihta pazi ei ta.

1 SAMUELA 6:3

Âmo ta, “Izarei Khazohpa Byh he nama pasiesa awpa khiahta cha, ku ruapa ta pasiesa cheita khuh vy, thaileichâna atheihna nama hlâ palie thlyu awpa a châ. Chatanachata patlâhpa ta y aw ei chi ta, nâmo tawhta a ku â pasie leina chhâpa nama pahno aw,” tah ei ta.

1 SAMUELA 6:6

Izi mo nata Phiraoh ta palôh kuhchhapa ta ama ypa hawhna khata, khazia nama palôh kuh nama pachhasa hra aw? Khazohpa ta Izi mo kha pasa kawpa ta hria ta, cha khai tawhta Izarei sawzy kha pasiesa ei ta, ama pua hapa kha pahno veih ei chi ma?

1 SAMUELA 6:9

Moh thlâh ha aw ei chi ta, ano yna su Beseme râh lâ khyna lâpi a chhihpa ta a sie khiahta cha, eima chô liata pasana rarôh y ngaitapa a patlôsapa he ano tlai châ ta, cha lâta a sie vei khiahta deikua cha, ano ku ta miah a hriepa châ leipa ta, hri chareina daihti nata Byh yna daihti â su chhopa vâta a châ tahpa eima pahno aw,” tah ei ta.