10 Phiraoh ta, “Mylâ sy,” tah ta. Mawsi ta, “Na bie hawhta châ mawh sy. Chatanachata Abeipa eima Khazohpa hawhpa he ahy hmah y veih ei tahpa na pahno aw.
Chavâta Hy Abeipa Zehôvâh y, nâ cha rônahpa na châ. Eima nah ta eima thei khai hapa hawhta, nâma hawhpa he y leipa ei ta, nâma leipa ta Khazohpa rai y veih ei.
“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?
Mawsi ta Phiraoh hnohta, “Nâ ta palyupalihna tlao to mah y. Uphawhzy cha nâma tawhta nata na ozy tawhta pahleipadia khaipa ta, Nile chavah lia deita paysa awpa ta, nâ nata châ chakaotuhpazy nata na phopi châta khati ta ma ei cha hiapa aw ei?” tah ta.
Tahmâ liana heta la na chô liata nata châ chakaotuhpazy chô liata nata na phopi chô liata potlana ta ei hrie nawpa zydua ei vaw patlôsa bâ aw. Chatanachata khizaw zydua liata keima hawhpa he ahy hmah y veih ei tahpa na pahno aw.
Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.
Hlâno ta hmo parohpazy kha, A thei thlâh ha teh u; Kei he Khazohpa châ na ta, Khazoh hropa rai y veih ei; Kei he Khazohpa châ na ta, Kei hawhpa rai y veih ei.
‘Hy Abeipa Zehôvâh, châ chakaotuhpa he na rônahna nata na ku thatlôna pahmôsa chi ta, avâ liata tlyma, alei liata tlyma, na raihriazy he kheihawhpa khazoh ma a hria thei aw tly? Na hmotao rônahpazy he kheihawhpa khazoh ma a tao thei aw tly?
Chavâta tanoh he Abeipa cha chô lâ avâ liata nata ry lâ alei liata Khazohpa châ ta, Khazoh hropa rai y veih ei, tahpa nama pathipalôh liata khâchâ a vao teh u.