PUASAINA 7:6 - Mara Bible RV (BSI)

⁶ Mawsi nata Arawna ta cha hawhna cha ta tao ei ta, Abeipa ta âmo bie a piepa hawh tlai ta tao ei ta.

PUASAINA 7:6 ပူးပေါင်းရင်းမြစ်များ

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 6:22

Cha hawhna chata Nôah ta tao ta, Khazohpa biepiepa zydua hawhta ato tao khai ta.

ÂTHAONA 7:5

Nôah cha Abeipa ta bie a piepa zydua tao ta.

HLAZY 119:4

Na pachuna biezy papua chi ta, A phapa ta zyh awpa ta bie na pie.

PUASAINA 12:28

Izarei sawzy cha sie ei ta, Abeipa ta Mawsi nata Arawna bie a piepa hawhta kei tao ei ta.

PUASAINA 39:43

Mawsi ta raihria zydua cha moh ta, Abeipa biepiepa hawhta paloh khaipa a châpa hmô ta, chatanachata Mawsi ta âmo cha byhnâ a awpa ei.

PUASAINA 40:16

Cha hawhna chata Mawsi ta tao ta, Abeipa ta tao awpa ta bie a piepa zydua hawhta tao khai ta.

PUASAINA 7:10

Mawsi nata Arawna cha Phiraoh lâ a kei ngia ei ta, Abeipa ta bie a piepa hawhta tao ei ta. Arawna ta a chôchahrei cha Phiraoh nata a chakaotuhpazy hmiakô liata kei thy ta, parih lâta a vaw lie ta.

PUASAINA 7:2

Bie ei cha piepa zydua reih aw chi ta, na unawhpa Arawna ta Phiraoh hnohta Izarei sawzy a râh tawhta pasiesa awpa ta a chho aw.

PUASAINA 7:20

Mawsi nata Arawna ta Abeipa biepiepa hawhta tao ei ta. Arawna ta a chôchahrei cha chalo ta, Phiraoh mohmô liata nata ano a chakaotuhpazy mohmô liata Nile chavah ti cha tu ta, Nile chavah ti zydua cha thisaih lâta â lie khai haw.

ZAWHÂNA 15:10

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

ZAWHÂNA 15:14

Bie ei cha piepa maih nama tao khiahta la, ei viasazy nama châ.