PUASAINA 7:3 - Mara Bible RV (BSI)

³ Ngiana nata hmonoâhpazy Izi râh liata ei papôhsapa chhao ta, Phiraoh palôh cha a kuh ei pachhasa ha aw.

PUASAINA 7:3 ပူးပေါင်းရင်းမြစ်များ

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

HLAZY 135:9

Hy Izi, ngiana nata hmonoâhpazy na chhôh liata vaw tuah ta, Phiraoh nata a chakaotuhpa zydua chô liata a vaw tuahtuhpa kha Abeipa a châ.

HLAZY 78:12

Ama pathlatuhpazy mohmô ta hmonoâhpazy tao ta, Izi râh Zônâ lyuzy liata hmonoâhpazy a taopa ei.

PUASAINA 11:10

Cha hmonoâhpa zydua cha Mawsi nata Arawna ta Phiraoh hmiakô liata tao ei ta. Châhrasala Abeipa ta Phiraoh cha a palôh kuh pachhasa ta, Izarei sawzy cha a râh tawhta papuasa khoh vei.

PUASAINA 11:9

Abeipa ta Mawsi hnohta, “Ei hmotao noâhpazy Izi râh liana heta papôhsapa ta a y thei nawpa ta, Phiraoh ta nama bie a pyh aw vei,” tah ta.

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 3:20

Chavâta ei ku pazawh aw na ta, Izi râh cha a chhôh liata hmonoâhpa ei tao awpa zydua ta hrie aw na ta, cha khai tawhta a cha pasiesa aw ei.

PUASAINA 4:21

Abeipa ta Mawsi hnohta, “Izi râh lâ na kua tita, hmonoâhpa tao theina ei cha piepa zydua kha, Phiraoh hmiakô liata tao tlai mah y. Châhrasala a palôh kuh pachhasa aw na ta, phopi cha pasiesa aw vei.

PUASAINA 4:29

Chatawhcha Mawsi nata Arawna cha sie ei ta, Izarei machâ zydua awpakhy ei ta.

PUASAINA 4:7

Abeipa ta, “Na ku ta na chachôhna kha hria heih teh,” tah ta. A chachôhna cha hria heih ta, a ku cha a chachôhna tawhta a la nahta, a sapa hropazy hawhta vaw y pathi ha ta.

PUASAINA 7:13

Chatanachôta Phiraoh palôh cha kuhchhâpa ta y ta, Abeipa ta a rei hapa hawhta, ama bie nathlie khoh vei.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

BIESOZY 21:1

Abei palôh cha Abeipa ku liata y ta, Vahtie ti hawhta a khona lâ maih a palosa tyh.

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

MIKÂ 7:15

Izi râh tawhta na kaw puana nohzy hawhna khata, Hmo noâhpazy ei pahmô aw ei.

ZAWHÂNA 4:48

Zisu ta a hnohta, “Ngiana nata hmonoâhpazy nama hmô vei khiahta la, a ngiapâ ngyu veih ei chi,” tah ta.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 7:19

Nama mo tlai ta pasiana rarôh ypa hmô ei chi ta, ngiana nata hmonoâhpazy taopa ta, ku thatlôpa nata bâh pazawhpa ta Abeipa nama Khazohpa ta a châ kaw chhi papuapa hawhna ei khata, Abeipa nama Khazohpa ta nama chi kawpa phopizy chô liata chhao a tao aw.