PUASAINA 7:2 - Mara Bible RV (BSI)

² Bie ei cha piepa zydua reih aw chi ta, na unawhpa Arawna ta Phiraoh hnohta Izarei sawzy a râh tawhta pasiesa awpa ta a chho aw.

PUASAINA 7:2 ပူးပေါင်းရင်းမြစ်များ

1 ABEIZY 22:14

Châhrasala Mikai ta, “Abeipa hrona reipa ta ei reih, Abeipa ta ei hnohta a reipa deita ei reih aw,” tah ta.

PUASAINA 4:15

A hnohta bie reih aw chi ta, a pakah liata bie na soh lymâ aw. Nâma pakah nata ano pakah liata y aw na ta, nama tao awpa ei cha pachu lymâ aw ei.

PUASAINA 4:16

Ano ta nâma vyuhpa ta zawpi lâ bie reih aw ta, nâma châta pakah châ aw ta, nâ cha ano châta Khazohpa hawhta na châ aw.

PUASAINA 5:1

Cha khai tawhta, Mawsi nata Arawna cha vawh ei ta, Phiraoh hnohta, “Zehôvâh, Izarei Khazohpa ta, ‘Râhchawhpa liata ei châta kyhchhi ama tao thei nawpa ta, ei phopi pasiesa teh,’ a cha tah,” tah ei ta.

PUASAINA 6:29

Abeipa ta Mawsi hnohta, “Kei he Abeipa ei châ. Na hnohta ei reipa zydua Izi bei Phiraoh chho mah y,” tah ta.

PUASAINA 7:6

Mawsi nata Arawna ta cha hawhna cha ta tao ei ta, Abeipa ta âmo bie a piepa hawh tlai ta tao ei ta.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 1:7

Châhrasala Abeipa ta ei hnohta, “‘Hawtipa deita châ na ta,’ tah khah y, Ei cha tuana phopi zydua lâ sie aw chi ta, Bie ei cha piepa maih na rei awpa a châ.

EZEKIA 3:10

Abeipa ta ei hnohta reih heih ta, “Chyhsa sawchapawpa y, na hnohta bie ei rei awpa zydua he, na nah ta thei la, na palôh liata khô ha mah y.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

RYHPACHANEINA 4:2

Bie ei cha piepa ei kha baichha leipa u la, thy bâ hra leipa u la, Abeipa nama Khazohpa biepiepa nama hnohta ei cha pie pachhuahpazy he zyh muh vy.