PUASAINA 7:10 - Mara Bible RV (BSI)

¹⁰ Mawsi nata Arawna cha Phiraoh lâ a kei ngia ei ta, Abeipa ta bie a piepa hawhta tao ei ta. Arawna ta a chôchahrei cha Phiraoh nata a chakaotuhpazy hmiakô liata kei thy ta, parih lâta a vaw lie ta.

PUASAINA 7:10 ပူးပေါင်းရင်းမြစ်များ

HLAZY 135:9

Hy Izi, ngiana nata hmonoâhpazy na chhôh liata vaw tuah ta, Phiraoh nata a chakaotuhpa zydua chô liata a vaw tuahtuhpa kha Abeipa a châ.

PUASAINA 12:28

Izarei sawzy cha sie ei ta, Abeipa ta Mawsi nata Arawna bie a piepa hawhta kei tao ei ta.

PUASAINA 4:3

Abeipa ta, “Alei liata thy teh,” tah ta. Alei liata thy ta, parih lâta a vaw lie ta, Mawsi ta parih cha a râsai ta.

PUASAINA 7:15

Ti lâ a zu nota pachhai awpa ta, Phiraoh lâ mydi ta vawh la, chôchahrei parih lâta a liepa kha na ku liata a chabapa ta, ano a hmô awpa ta Nile chavah kiah liata a kei duah mah y.

PUASAINA 7:20

Mawsi nata Arawna ta Abeipa biepiepa hawhta tao ei ta. Arawna ta a chôchahrei cha chalo ta, Phiraoh mohmô liata nata ano a chakaotuhpazy mohmô liata Nile chavah ti cha tu ta, Nile chavah ti zydua cha thisaih lâta â lie khai haw.

PUASAINA 7:6

Mawsi nata Arawna ta cha hawhna cha ta tao ei ta, Abeipa ta âmo bie a piepa hawh tlai ta tao ei ta.

PUASAINA 7:9

“Phiraoh ta, ‘Hmonoâhpa tao teh u,’ a cha tah khiah ei ta cha, Mawsi ta Arawna hnohta, ‘Na chôchahrei kha la la, Phiraoh hmiakô liata kei thy teh, parih lâta â vaw lie aw,’ na tah aw,” tah ta.

AMÔSÂ 9:3

Kâmel tlâh laki liata a nyu hra ei sala, Tluapapuapa ta cha tawhtapa cha la aw ei na ta; Tilaipi ry liata nâ nyusai hra ei sala, Cha liata parih bie pie aw na ta âmo cha a pachu aw ei.

MÂKA 16:18

ku ta parihzy patu aw ei ta, thina châmaih kheihawhpa rai doh hra ei sala, âmo pasasa aw vei. Tlâhleipazy chô liata ama ku pahnieh aw ei ta, ama tlâh lymâ aw,” tah ta.

LUKA 10:19

Pachâ teh u, parihzy nata râh cha-iazy tlybai theina nata khakhaipa hmotaotheina zydua chô liata biehneina ei cha pie ei. Khâpa ta hmah cha pasasa aw veih ei.