PUASAINA 6:26 - Mara Bible RV (BSI)

²⁶ Âmo cha Abeipa ta, “Izarei sawzy cha ama py yzie lymâ hawhta Izi râh tawhta a chhi papua teh u,” tahpa ta a chhopa Arawna nata Mawsi kha ama châ.

PUASAINA 6:26 ပူးပေါင်းရင်းမြစ်များ

ÂTHAONA 2:1

Cha hawhna chata avâ nata alei nata a chhôh liata a ypa zydua cha patlô khaipa a châ.

1 THÂTIHZYRONA 6:3

Amrâ pathlazy cha Arawna, Mawsi nata Miria zy ama châ. Arawna sawchapawzy cha Nâdâ, Abihu, Eliaza nata Ithamâ zy ama châ.

HLAZY 77:20

Mawsi nata Arawna ku ta, Mietaku zaw hawhta na phopi na chhihtha.

HLAZY 99:6

A theihthaipa hry liata Mawsi nata Arawna a hlao ei ta, Samuela chhao a moh a padopazy hry liata â hlao. Abeipa pado ei ta, Ano ta â chhy ei.

PUASAINA 12:17

Cha noh lia tlai ta nama zawpizy Izi râh tawhta ei kaw chhi papuapa vâ ei ta, viahchhâ thinô pahlao leipa kyhchhi nama chay tyh awpa a châ. Cha noh cha nama chhâ zydua liata nama chay tyh awpa châ ta, cha cha nama châta chhâzaw bieraopa ta a y awpa a châ.

PUASAINA 12:41

Kô 430 chhâna liata, cha noh lia tlai ta, Abeipa pheisaih zydua cha Izi râh tawhta ama pua khai haw.

PUASAINA 12:51

Chatanachata cha noh lia tlai chata, Abeipa ta Izarei sawzy cha, a py py ta Izi râh tawhta â chhi papua ha ei.

PUASAINA 13:18

Khazohpa ta Izarei sawzy cha râhchawhpa siepahliepa ta Tilaipi Saihpa lâta tlao â chhi ei. Chatanachata Izarei sawzy cha, chariah chhaichhi a tobipa ta, Izi râh tawhta ama pua haw.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 32:1

Mawsi cha tlâh tawhta charâ ta a za chô leipa zawpi ta ama pahno nahta, Arawna lâta zawpi a hmaohpakhy ei ta, a hnohta, “Thyu la, eima hmia lâta a sie awpa khazoh miah taopa teh. Kha Mawsi, Izi râh tawhta miah a kaw chhi papuatuhpa chyhsa kha, khâpa hmo ma a chô liata a tlô tahpa pahno khao ma pi hih,” tah ei ta.

PUASAINA 32:11

Châhrasala Mawsi ta Abeipa a Khazohpa cha a haw ta, a hnohta, “Hy Abeipa, hmotaotheina rônahpa nata ku thatlôpa ta Izi râh tawhta nâ kaw chhi papuapa na phopi chô liata khazia ma cha tlu po ta na hie a hâh tly?

PUASAINA 32:7

Abeipa ta Mawsi hnohta, “Zu teh, na phopi Izi râh tawhta nâ kaw chhi papuapazy âmosasyh ta amâ parao ha khuh.

PUASAINA 6:13

Abeipa ta Mawsi nata Arawna cha bie a chho ta, Izarei sawzy chô liata nata Phiraoh chô liata biehnei awpa nata Izarei sawzy Izi râh tawhta a chhi papua awpa ta âmo cha biepie ta.

PUASAINA 6:20

Amrâ ta a paw sietanô Zôkebe cha lapinô ta hnei ta, ano ta Arawna nata Mawsi sapa ta, Amrâ hro chhôh kôzy cha, kô 137 a châ.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

PUASAINA 7:4

Chavâta Phiraoh ta cha nathlie aw veih ei. Chatanachata Izi râh chô liata ei ku pahnieh aw na ta, pachiana rônahpa ta ei pheisaihzy, ei phopi Izarei sawzy he Izi râh tawhta ei chhi papua aw ei.

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

MALUHREINA 33:1

Hezy he Izarei sawzy ta Izi râh ama puasai nota, Mawsi nata Arawna chhihthana ry liata a chhâh chhâh ta nata a py py ta ama siena su mohzy a châ.

ZAWSUA 24:5

Chatawhcha Mawsi nata Arawna tuah na ta, Izi râh cha ama hry liata ei patlôsapa potlana khata hrie na ta, cha khai tawhta ei châ chhi papua ei.

1 SAMUELA 12:6

Samuela ta Izarei phopi hnohta, “Mawsi nata Arawna a raotuhpa Abeipa nata châ pathlatuhpazy Izi râh tawhta a kaw chhi papuatuhpa ta a cha pahnokhei ei.

1 SAMUELA 12:8

Izi râh liata Zakaw â ngia hnôh lâna khata, châ pathlatuhpazy ta Abeipa awsao ei ta, Abeipa ta Mawsi nata Arawna tuah ta, âmo ta châ pathlatuhpazy cha Izi râh tawhta a chhi papua ei ta, he su liata ama vaw pahrâsa.